Dee spaunische Sproak (Spaunisch, spaun.: español) talt aus Weltsproak en jehet tom romanischen Aust vonne indogermanische Sproake. Manchmol woat Spaunisch toop mett Portugiesisch en Katalanisch en dee enjre Grupp vonne iberoromanische Sproake enjedeelt. Eene aundre Ordnung nemmt daut Spaunische toop mettem Franzeesichen, dem Katalanischen, dem Portugiesischen, dem Okzitanischen en mett aundre tjlandre romanische Sproake en dee Westromania Grupp.
Wiels dee spaunische Schreftsproak vom Sproakjebruck ute zentraulspaunische Regioon Kastilien jeformt worde es, woat Spaunisch foaken uck aus "castellano" betetjent. Uck doaweajen, wiels Spaunisch mett dise Betetjninj beta jetrant woat vonne aundre Idioome, woone en Spaunien jeredt woare, soo aus t.B. Galizisch en Katalanisch.
Spaunisch woat mett letiensche Bokstowe jeschrewe. Em modernen Spaunisch woat dee Akut-Akzent fe Vokaule jebruckt en uck dee beid Sondatetjen ñ und ü. Vele Wedabetja nane daut ch en daut ll uck aus ejne Bokstowe.
Dee Sproakformel no ISO 639 es "es" en "spa".
Manke plautdietsche Menniste en Zentraul- en Siedamerika es Spaunisch foaken dee tweede Sproak, woone jeleht en jebruckt woat.