Dee Sonn (lat. „Sol“; gr. „Helios“) es dee Stern em Zentrum von onsem Planeetesysteem, woont no ahr aus Sonnesysteem jenant woat. Dee Sonne haft fe daut Lewe oppe Ed fundamentaule Bediedinj. Vele wichtje Prozasse oppe Edkaunt, t.B. daut Klima en daut Lewe selwst, woare derche Strohlinjsenergie vonne Sonne aunjedrewe. Meist dee gaunze Energie tom Edklima staumt vonne Sonn – bloos een seea tjliena Deel woat ut geothermaule Woamtjwale vesorjcht. Uck dee Jetiede habe to einem Dreddel mette Schwoakrauft vonne Sonn to doone.
