Dee Matematitj (ooltgriechisch: μαθηματική τέχνη mathēmatikē téchnē: dee Kunst vom Lere, een Deel vom Lere) es dee Weetenschauft, woone vom Reatjne mett Zohle en vom Unjasetje von Figure jekome es. Daut jefft tjeene auljemeen aunertjande Definitioon. Vondoag woat Matematitj jeweenlich aus eene Weetenschauft aunjeseene, woone abstrakte Strukture utfinjt en dise dan opp eare Moatjmole en Mosta unjasetjt. Matematitj woat en aula aundre Weetenschaufte jebruckt. Et es een Fach enne School en uck een Studienfach aune Universitete.