Unja dem Wot Judentum vesteit maun daut Gaunze ut Kultua, Jeschicht, Religioon en Traditioon von dem judschen Voltj, woont sich selwst Voltj Israeel (hebr. am jisrael, bnei jisrael) nant. Mett dee Betejninj aus Jud es een Mensch ut dise Grupp jemeent, entweda weajen siene perseenlichen Gloowe, ooda weajen dee Gloowesgrupp, too woone heet jehet, ooda weajen dem Voltj, to woonem hee jehet.
Uck wan mau bloos 13,5 Miljoone Mensche oppe Welt Jude send, daut Judentum talt aus Weltreligioon. Daut Tjristentum en dee Islam habe eenen grooten Deel von eare Wartle em Judentum. Daut Judentum we dee eschte Religioon, woone sich ewa vele Lenda stoatj utbreede deed. Aus dee Antike to Enj we, haude judsche Jemeindes sich aul bett China, Indien en Afrika utjebreedt.