William „Bill“ Henry Gates III [ˈwɪljəm bɪl ˈhɛnɹɪ geɪts] (* 28. Oktooba 1955 en Seattle) es een US-amerikaunscha Unjanehma en Prograumera. Gates tald lange Tiet aus dee ritjsta Mensch oppe Ed.
Aune 1975 funk Gates toop mett Paul Allen dee Firma Microsoft Corporation aun. Hee haft vondoag soo bie 1,1 Mill. Aktien von Microsoft (onjefea 41 Mrd. US $), daut es goot 10 % vom Gruntkapital. Bill Gates es Veasetta vom Kontrollrot en we bett 2006 dee "Chief Software Architect" von siene Firma. Von Dezamba 2004 aun es hee uck noch Mettjliet em Board of Directors vonne Berkshire Hathaway, dee Investmentholding von Warren Buffett. Bufet talt aus ritjsta Maun oppe Welt. Noch meea aundre Aktien haft Gates bie McDonald’s (em Wet von onjefea 35 Millionen US-Dollar, 2007), dan noch biem Automobilvesechra Progressive en biem Fotokonzern Eastman Kodak.
Aum 12. Septamba 2007 naum Bill Gates oppe Unjanehmavesaumlinj offiziell Aufscheet von Microsoft. Dee 27. Juni 2008 we dort sien latsta Oabeitsdach.