Berlin es dee Hauptstaut von Dietschlaunt. Dise groote Staut es uck een ejenstendjet Bundeslaunt en daut Zentrum vonne Regioon Berlin/Brandenburg. Berlin es mett 3,4 Miljoone Ennwohna dee jratste Staut en Dietschlaunt (Plak, Ennwohna) en waut dee Ennwohnazohl betraft dee tweedjratste enne gaunze Europeische Unioon.
No dem Tweeden Welttjrich we Oost-Berlin dee Hauptstaut vonne DDR em Ooste en Bonn dee Hauptstaut vonne BRD em Waste. No dem Wadaeentwoare aune 1990 es Berlin dee Hauptstaut von gaunz Dietschlaunt.
Berlin es een wichtjet Zentrum von Polititj, Medien, Kultua en Weetenschauft en Euroopa. Dee Staut es een wichtja Transportknoppe en eene vonne aum foakensten besochte Staut oppem Kontinent. Butajeweenliche Institutioone soo aus dee Universitete, Forschungsinstitute, Teautasch en Museee jeneete internationale Aunertjaninj. Dee Staut es een Magneet fee Kunst- en Kultuamoaka ute gaunze Welt. Berlin siene Jeschicht, daut Nachtlewe en uck dee Architektua send wiet ewre Jrenze von Dietschlaunt bekaunt.