Aw A Lamdang E - La Phuaktu: T. Pumkhothang
La edit
Hatlou mi ka hi zong, hat theihna thuguk te,
Toupa in kei a dingin a nei;
Khovel in a tellouh, khovel in a deihlouh,
Toupa in Amah dingin a tel.
- Sakkik
- Aw a lamdang e, Aw a thupi e,
- Na itna aw na hehpihna;
- Mimawlte nangawn zong aw na tel lawmlawm,
- Lamdang in aw a thupi e.
Lelliangte na it a, genthei te na huai a,
Leitung mi’n a phawk zohlouh te zong;
Toupa aw na thei a, Itna in na pi zel,
Gentheihna panin nunnopna ah.
Lamet bei a lungngai, mipoite na thei a,
Piangsualte bukimloute na ngawn;
Khovel hoihna mulou, mitdel te na thei a,
Nang a din na telta lamdang e.
A chinglou a om lou, a siamlou a omlou,
Mi khempeuh i Toupa mai ah zaw,
Leitung mi a ding a simmoh huai a neute,
Silpak bang a lun Toupa a din.
- Sakkik
- Aw a lamdang e, Aw a hon telna,
- Kipak in nuamna lasa ni,
- Khovel in a phawklouh mi ihi zongin,
- A hontel na a lamdang e.