Antropologi ir studien eld lärą åv menistşum. Isų studi andler umm ollum menistşum og ollum dimensiuonum åv menskligietn. I modern antrolopologi står bigreppeð sentralt at mensklin natur ir kultur. I eller uordum, ųor sort ar autwekklað kapasitietų sjǫ ųor wärd i symbolum, og at wįð dugum transformir wärdę (og uos-siuov) min diem-jär symbolum.
Nogų so bistudir antropologi ir ien antropoluog.
I allmenn werd antropologi dielað upp i fiuorę emmen:
- Fysisk antropologi eld antropobiologi, bestudir menistşę sos biologisk organism: uppfyörendeð åv primatum og mensklig evolusiuon;
- Språkwetnskap, bestudir variasiounę i språk gainom tiðę og rymd, boð an og eð susialt brukeð åv språk og relasiounę millǫ språk og kultur;
- Arkeologi: bestudir dier materiell kwerlievur åv menskligum samellum; og
- Kulturell antropologi (etnologi): bestudir eð susialt uppfyörendeð, an ekonomiskan strukturn og relijuonę åv fuokum og bifuokninggsstuoðum.