Kerja bakti (gugur gunung) yaiku kegiatan baberangan ring masyarakat hang sing ana bedane ambi kegiatan gotong royong. Taping, kadung gotong royong iku lebih nong ngedekaken bangunan kaya umah lan sejenise, kadung kerja bakti iku lebih nong kegiatan lingkungan alam. Contohe, iyane bebarengan mberseni saluran pembuangan banyu lan laine kang bersifat umum. Artine, ring kene hang duwe gawe yaiku iyane kabeh, lan kegiatan iku hasile ya kanggo kebutuhan bareng-bareng. Dadi, kerja bakti duweni sifat hang lebih umum dibandingaken ambi gotong royong.
Pada bain ambi hang digawe warga masyarakat Kemiren. Iyane ring wayah-wayah tertentu ngadakakekn kerja bakti, kaya mberseni lingkungan wayah arep ngadakaken perayaan dina kemerdekaan RI, mberseni sumber banyu kanggo keperluan kabeh uwong, lan liya-liyane. Kerja bakti iku sampek wayah wene magih tetep dijaga ambi masyarakat Using ring Kemiren. Kerja bakti iku bakale merujukaken rasa solidaritas ring warga setempat. Iyane bisa pada weruh, kenal, lan ngerasa pada nduweni. Kadung pada weruh, kenal, lan nduweni, mangka secara hing langsung ngerasa "siji seduluran". Kadung masyarakat ring Kemiren sebagian gedi magih ana hubungan dulur, kegiatan iku dadi ngeraketaken iyane. Ring kene, iyane bisa pada sapa-sapaan, nguweni informasi. Basa laine, anane kegiatan iku nduweni dampak kang positif, yaiku tambah ngeraketaken hubungan seduluran lan rasa solidaritas iyane. [1]
Referensi
edit- ↑ Isni Herawati dkk. Kearifan Lokal di Lingkungan Masyarakat Using, Kabupaten Banyuwangi, Propinsi Jawa Timur. Kementerian Kebudayaan dan Pariwisata: Yogyakarta.