Umkhakha WezeHlalakuhle mkhakha omayelana nehlalakuhle yabantu, utjheje godu nekufundiseni abantu ngeendlela abangazitlhogomela, bazivikele ngayo neendlela abangazikhupha ngazo ebudisini bepilo. Ubudisi bepilo obufaka hlangana ukuhlukumezeka kwabomma nabantwana, ukwamukela ukuphila nokukhubazeka, ukungasebenzi nokhunye okunengi.
Abosohlalakuhle
Abosohlalakuhle emkhakheni lo basebenzisa ilwazi elirhujululiweko elifana namatiyori nelwazi lendabuko yobuntu ukusiza labo abazithola basebudisini bepilo.
Iimfundo zomkhakha lo
Nawuzokuba ngusohlalakuhle kufanele uphase kuhle igreyidi 12. Eemfundweni zakho zoke kufanele ufumane amaphuzu angaphezu kwali-30 khona uzokwamukeleka emkhakheni wezefundo ephakamileko. Uzakuthi lokha nawamukelweko ufunde iminyaka emine. Amayunivesithi afundisa iimfundo zehlalakuhle ngila: University of Pretoria, University of Western Cape, University of Joahneesburg, University of Cape Town namanye.