SWiP: Ukubulunga Amalimi: ILwazi Elisimahla, Elitholakala Lula Nelivuleleke Kuwokewoke.
I-SADiLaR-Wikipedia-PanSALB (SWiP) iligadango elihlanganyelweko elihlanganisa i-South African Centre for Digital Language Resources (SADiLaR), isiluluncwadi i-encyclopaedia sasimahla (Wikipedia) kanye ne-Pan South African Language Board (PanSALB).
Ukuhlonywa kwe-SWiP edit
Ihlelo le-SWiP lihlonywe ngokusemthethweni mhlazana amalanga ama-20 kuKhukhulamungu emnyakeni wee-2023 e-University of South Africa eKhampasini yakhona eKulu i-Muckleneuk, ePitori. Umnyanya wehlelo elihlonyiwekweli bewudzimelele khulukhulu elimini lesiNdebele ngokugcugcuzela amaNdebele bonyana azibandakanye bekafake isandla ku-Wikipedia ngalokho okumunyethwe lilimi lesiNdebele. Igadangweli beliqakatheke khulu kwamambala njengombana isiNdebele kulilimi ekungilo lodwa elibonakala litlhayelelwa begodu liyimvela kancani naziza ekujamelekeni kilokho okumunyethwe ku-Wikipedia.
Umnqopho we-SWiP edit
· Kuhlanganisa labo ababasebenzisi bamalimi ngomnqopho wokunabisa kanye nokugidinga ukusetjenziswa kwamalimi weSewula Afrika;
· Kugcugcuzela labo abasebenzisa ilimi bonyana bafake isandla ekuletheni lokho okumunyethwe lilimi kusiluluncwadi sasimahla i-Wikipedia.
Abamukelilwazi abaqothelweko edit
Ihlelweli linqophe ukunikela amandla boke labo abanekareko yokutlola kanye nokufaka isandla ekuletheni lokho okumunyethwe lilimi labo ku-Wikipedia. Ihlelweli liqothele khulu abatloli abasakhasako, abasebenzi ngelimi, abolektjhara, abafundi kanye nabo boke abasebenzisa ilimi zombelele.
Isendlalela sehlelo edit
Ihlelweli libekelwe bonyana lithome ukusebenza ngenyanga kaMhlonja ukuya ngenyanga kaSewula womnyaka wee-2024. Umzombe wokuthoma wehlelweli uqalelele khulu ekudzimeleleni kokubandulwa okuphathelene nobunikazi bomtlolo we-Wikipedia. Isifundobandulo somtlolo wobunikazi esizokuthatha amalanga ama-2 sizokwenzeka eemphandeni ezisithandathu lapho kuqothelwe khona amayunevesithi ali-10 lapho kuzokubandulwa khona abantu abama-20 eyinivesithi ngayinye abazozibandakanya.
Imiphumela yebandulo lobunikazi bomtlolo edit
Ilanga loku-1— Ukwethulwa kwe-Wikipedia (Ukufakwa kwemidzubhulo).
Ilanga lesi-2— Ihlelo eliThuthukileko le-Wikipedia loku-editha (ukufaka okumunyethweko kanye neenthombe).
Umzombe 1
· Isiphande seTlhagwini (University of Venda; University of Mpumalanga)
· Isiphande esiseKabeni (Vaal University of Technology; Tshwane University of Technology; University of South Africa)
· Isiphande seTjingalanga (Cape Peninsula University of Technology)
· Isiphande saKwaZulu-Natal (University of Zululand)
· Isiphande seTlhagwini Tjingalanga (Central University of Technology; Sol Plaatje University)
· Isiphande seMpumalanga (Walter Sisulu University)
Umzombe 2: Ukwazi okungeziweko ngomzombe lo vakatjhela ubunzinzolwazi be-SWiP.
Nawuhlanganyela ngokungenela ihlelo lebandulo lobunikazi bomtlolo i-SWiP, awukhaliphisi kwaphela amakghonwakho wokutlola kodwana uzabe ufaka isandla ekuzibandakanyeni ekubulungeni isiko, imilando kanye nesiqi sokuzazi. Isiqhema sehlelo le-SWiP sizokuthintana namayunivesithi akhonjiweko ukuze baqinisekise amalanga ekuzokubanjwa ngawo iimfundobandulo.
Hlanganyela edit
Iinhlangano kanye nalabo abazokuba balingani bangahlanganyela ngoku:
· singatha iimfundobandulo zobunikazi bemitlolo lapho kubandulwa khona abatloli emabubulwenabo namkha emayunivesithabo.
· sekela ngeemali ababanduli be-Wikipedia ngokweendleko zokukhamba.
· sekela ngendawo yokusingathela iimfundobandulo kanye nokudla.
· bandakanya ihlelweli eenkundleli zabo zokuthintana njengakumitlolondaba kanye neenkundleni zabo zedijithali.
· singatha iimfundobandulo zobunikazi bemitlolo njengengcenye ehlanganyelweko yebubulo lemisebenzi ephathelene namahlelo wezehlalakuhle.
Imibuzo edit
Yoke imibuzo ephathelene nehlelweli inganqotjhiswa ku-Swip@sadilar.org