[1]Erholweni yindawo ye-Roossenekal esemangweni enentaba nemibundu. Kunamahlathi amihlobohlobo nemithi. Iintaba namagoqo wamatje amakhulu ahlezi elinye phezu kwelinye ngokwemvelo yawo. Indawo le ingetjingalanga yeGroblersdaal. Indawo le yaziwa nge mapoch caves ngelimi lesiNgisi. amaNdebele afika anzinza endaweni le ngonyaka we-1839. Kwaba yindawo yabo esetjenziswa njengesiphephelo sesitjhaba begodu izokwazi uksekela amaqhinga wokulwa izipi.
ngemva kwepi yamaNgisi namaBhunu ngonyaka we-1882 amakhuwa nakasaphikisana nengwenyama umabhoko ngokusikwa kwenarhakhe. Kwenzeka isiga kibomakhelwan ekubaPedi bakomarotha, kwabulawa ingwenyama uSikhukhune embangweni wobukhosi bkwa sikwadi owayehlanganyele ekuphatheni kwamkhuwa intransvaal. Ingonyama uMampuru wesibili wayobhaqiswa kwaNoMtjharhelo. Ipihlangana noNyabela namakhuwa yathatha inyanga ezibunane ukuthoma ngoSinyikhaba ka 1882 bekwaba ngu Velabahlinze ka1883.
amakhuwa asebenzisa iqhinga lokuvala amanzi nokutjhisa amasimu ukubulalisa amaNdebele ngendlala ukuthumba ipi eyadlula namabutho amanengi wakwaNzunza. Umphumela wepi kwaba kubotjhwa kwengwenyama uNyabela no Mampuru bayokuvalelwa ejele ePitori. Ingwenyama uMampuru yabulawa ngokukhungwa. ISigwebo sikaNyabela senziwa saba ngesokufela ejele kodwana waphuma ngaphambi kwepi yesibili yamabhuru namaNgisi ngonyaka we- 1898.
Ukuqakatheka kwendawo le esitjhabeni samaNdebele
Indawo ye Rosenekaal yaba ngaphasi kwamagugu kusekela ngonyaka we-1937. Yathoma ukuhlonitjhwa njengendawo yamagugu ngonyaka we-1968. Kwabunjwa isithombe sesengwenyama uNyabela konoMtjharhela. Le kuyindawo yamaNdebele kaNzunza. AmaNdebele aya erholweni kanye ngonyaka ukugidinga imvelaphi nendabuko yama ndebele..
- ↑ Kusel, U. (2000). Mapoch Ndebele Village: a heritage partnership: mobilising partnerships for heritage and events. South African Museums Association Bulletin, 25(1), 35-37.