16 kuMgwengweni 1976 edit
Ilanga labantu abatjha edit
Umhlaka 16 kuMgwengweni 1976 lilanga lapho kwatjhuguluka khona izinto ezinengi eSewula Afrika. Ngelanga leli abantu abatjha abahlukeneko eenrarheni ezinengi babuthelelana bese balwisana negandelelo lombuso wangaphambilini. Lokho azange kwahlala kuhle embusweni wangaleso sikhathi. Ngalokho-ke, kwabanga ukutjhayisana.
Kodwana, eSoweto ukutjhayisana lokhu kwaba kukhulu hlangana nabentwana besikolo babantu abanzima bombala onzima. Ezinye zezinto ebe balila ngazo mthetho wezofundo obizwa, Bantu Education Act ka-1953. Iinlilo lezi zabangela umbuso wegandelelo ukuthi uphendule ngokuthumela amajoni namapholisa endaweni leyo. Amapholisa namajoni la bekahlome ngeengidi nezinye iinkhali. Ukungezelela, kwabakhona umguruguru hlangana kwamajoni la nabentwana besikolo la. Abafundi abanengi laba bazithola balinyazwa. Omunye wabongazimbi kwaba ngu-Hector peterson loyo owadutjulwa mapholisa la.
U-Hector Peterson lo wabe ngomunye wabafundi egade balwela ikululeko yokungafundiswa ngelimi lesibhunu i-Afrikaans eenkolweni. Ngaleso sikhathi bekaneminyaka elitjhumi nambili nakadutjulwako. Wayiswa esibhedlela kodwana wathi nabatjhejako abodorhodere ebebasebenza ngaleso sikhathi bamfumana sele umoya wakhe uhlukene nenyama.
Kusukela ngelanga leli, woke umuntu wathoma ukulwisana nebandlululo lombuso wangaphambilini lo. Ilanga leli nesehlakalo esenzeka ngeSewoto lesi sasetjenziswa njengekhuthazo. Ilanga leli lathiywa bonyana lilanga lelutjha.