ᩅᩯ᩠ᨶᨣᩰᩡ ᨾᩦᨩᩨ᩵ᨲᩮ᩠ᨾᨲᩣ᩠ᨾᨽᩣᩈᩣᨯᩢᨴ᩠ᨩ᩼ᩅ᩵ᩤ ᩅᩥ᩠ᨶᨪᩮᨶ᩠ᨴ᩼ ᩅᩥᩃᩮᩢ᩠ᨾ ᩅᩢ᩠ᨦ ᨣᩬᨥ᩼ [1] (ᨯᩢᨴ᩠ᨩ᩼ : Vincent Willem van Gogh ; ᩈᩢᨴ᩠ᨵᩋᩢᨠ᩠ᨡᩁ : [ˈvɪnsənt ˈʋɪləm vɑŋ ˈɣɔx])᪩ ᨠᩮᩥ᩠ᨭᩅᩢ᩠ᨶᨴᩦ᩵ ᪃᪀ ᨾᩦᨶᩣᨣᩫ᩠ᨾ ᨸᩦ ᨣ.ᩈ.᪁᪈᪅᪃ ᩈ᩠ᨿᩮᨩᩦᩅᩥ᩠ᨲ ᩅᩢ᩠ᨶᨴᩦ᩵ ᪂᪉ ᨠᩁᨠᨯᩣᨣᩫ᩠ᨾ ᨸᩦ ᨣ.ᩈ.᪁᪈᪉᪀᪩ ᨸᩮ᩠ᨶᨩ᩵ᩣ᩠ᨦᨲᩯ᩠᩶ᨾᨩᩣ᩠ᩅᨯᩢᨴ᩠ᨩ᩼ (ᨶᩮᨵᩮᩬᩥᩁ᩼ᩃᩯᨶ᩠ᨯ᩼) ᨴᩦ᩵ᨾᩦᨩᩨ᩵ᩈ᩠ᨿᨦᨴᩦ᩵ᩈᩩᨯᨡᩬᨦᩃᩰᩫ᩠ᨠᨤᩫ᩠ᨶᨶᩧ᩠᩵ᨦ ᨶᩲᩈ᩠ᨾᩱ᩠᩻᩻ᨿᨡᩬᨦᩃᩢᨴ᩠ᨵᩥᨷᩕᨴᩢ᩠ᨷᨧᩲᨻᩣ᩠ᨿᩃᩪᩁ᪩ ᩁᩪᨷ᩼ᨲᩯ᩠᩶ᨾᨡᩬᨦᩅᩯ᩠ᨶᨣᩰᩡ ᨾᩦᩋᩥᨴ᩠ᨵᩥᨻᩫ᩠ᩃᨠᩢ᩠ᨷᩆᩥᩃ᩠ᨷᩈ᩠ᨾᩱ᩠᩻ᨿᩉ᩠ᨾᩲ᩵ᩀ᩵ᩣ᩠ᨦᩈᩪᨦ᪨ ᨾᩦᩑᨠᩃᩢᨠ᩠ᨡᨱ᩼ᨤᩨ ᨩᩲ᩶ᩈᩦᩉ᩠ᨾᩫᨯᩈᩲ ᩓᩁᩬ᩠ᨿᨸᩥ᩠ᨯᨲᩯ᩠᩶ᨾᨯᩮ᩠᩵ᨿᨪᩢ᩠ᨯ ᨸᩮ᩠ᨶᨶᩯ᩠ᩅᩋ᩵ᩬᩁᨩᩬ᩠᩶ᨿ ᩈᩨ᩵ᩋᩣᩁᩫᨾ᩠ᨾᨱ᩼ᨴᩦ᩵ᩁᩬ᩶ᩁᩁᩯ᩠ᨦ᪩
ᨿᩣ᩠ᨾᨷᩮᩬᩥ᩶ᨦᨸᩖᩣ᩠ᨿᨡᩬᨦᨩᩦᩅᩥ᩠ᨲᨡᩬᨦᩅᩯ᩠ᨶᨣᩰᩡᨧᩮᩢ᩠ᨷᨸᩮ᩠ᨶᨻ᩠ᨿᩣ᩠ᨵᩥᨷᩈᩣ᩠ᨴᨪᩧ᩠ᨾᩈᩮᩢ᩶ᩣᩀ᩵ᩣ᩠ᨦᩉ᩠ᨶᩢ᩠ᨠ ᨲᩬ᩶ᨦᨡᩮᩢ᩶ᩣᩁᩢᨠ᩠ᩈᩣᨠᩢ᩠ᨷᩁᩰᩫ᩠ᨦᩀᩣᨧᩥᨲ᩠ᨲᩅᩮ᩠ᨩᩀᩪ᩵ᩉᩖᩣ᩠ᨿᨴᩮᩬᩥ᩵ᩋ᪩ ᩈᨽᩣᩅᨧᩥᨲ᩠ᨲ᩼ᨧᩲᨡᩬᨦᩅᩯ᩠ᨶᨣᩰᩡᩈᩮᩬᩥ᩵ᨾᩈᩣ᩠ᨿᩃᩫ᩠ᨦᨲᩣ᩠ᨾᩃᩣᩴᨯᩢ᩠ᨷᨧᩫ᩠ᨶᨾᩮᩬᩥ᩵ᩋᩋᩣᨿᩩᨯᩱ᩶ ᪃᪇ ᨸᩦ ᨡᩮᩢᩣᨣᩴᨯᩱ᩶ᨩᩲ᩶ᨸᩨ᩠ᨶᩃᩪᨠᨾᩰ᩵ᨿᩥ᩠ᨦᨲ᩠ᩅᩫᨲᩣ᩠ᨿ᪩
ᨿᩣ᩠ᨾᨾᩮᩬᩥ᩵ᩋᨿᩢ᩠ᨦᨾᩦᨩᩦᩅᩥ᩠ᨲᨶᩢ᩠᩶ᨶ ᩅᩯ᩠ᨶᨣᩰᩡᨷᩴᨣᩮᩥ᩠ᨿᨷᩕᩈᩫ᩠ᨻᨤ᩠ᩅᩣ᩠ᨾᩈ᩠ᨾᩫᩁᩮ᩠ᨫᨴᩣ᩠ᨦᨠᩣ᩠ᩁᨦᩮᩬᩥᩁᩃᩮᩥ᩠ᨿ ᨸᩮ᩠ᨶᨴᩢ᩠ᨯᩅ᩵ᩤᨤᩫ᩠ᨶᩈ᩠ᨾᩱ᩠᩻ᨿᨶᩢ᩠᩶ᨶᨣᩧ᩠ᨯᩉᩢ᩠ᨶᩅ᩵ᩤᨡᩮᩢᩣᨸᩮ᩠ᨶᨤᩫ᩠ᨶᨷ᩶ᩤᨷᩲ᩶ᨧᩥᨲ᩠ᨲ᩼ᩉᩖᩩ᪩ ᩅᩯ᩠ᨶᨣᩰᩡᨾᩦᨩᩨ᩵ᩈ᩠ᨿᨦᨡᩧ᩠᩶ᨶᨾᩣ ᨣᩴᨾᩮᩬᩥ᩵ᩋᨻᩣ᩠ᨿᩃᩪᩁᨴᩦ᩵ᨯᩱ᩶ᨡ᩶ᩣᨲ᩠ᩅᩫᨲᩣ᩠ᨿᨻᩱᩓ᩠ᩅ ᨴᩦ᩵ᨤᩫ᩠ᨶᨴᩘ᩠ᩃᩣ᩠ᨿᨻᩖᩥᨠᨾᩣᨣᩧ᩠ᨯᩉᩢ᩠ᨶᩅ᩵ᩤᨡᩮᩢᩣᨸᩮ᩠ᨶᨤᩫ᩠ᨶᩋᩢᨧ᩠ᨨᩁᩥᨿᨴᩦ᩵ᨤᩫ᩠ᨶᨷᩴᨡᩮᩢ᩶ᩣᨧᩲ᪩ ᨩᩨ᩵ᩈ᩠ᨿᨦᨡᩬᨦᨡᩮᩢᩣᨾᩦᨶᩢ᩠ᨠᨡᩧ᩠᩶ᨶᨶᩲᩁᩉ᩠ᩅ᩵ᩣ᩠ᨦᨲᩫ᩠᩶ᨶᩈᨲᩅᩢᩔ᩼ᨴᩦ᩵ ᪂᪀ ᨸᩮ᩠ᨶᨴᩢ᩠ᨯᩅ᩵ᩤᩋᩫᨦ᩠ᨣ᩼ᨷᩕᨠᩬᨷᨶᩲᨷᩯ᩠ᨷᩁᩪᨷ᩼ᨲᩯ᩠᩶ᨾᨡᩬᨦᨡᩮᩢᩣᨳᩪᨠᩐᩣᨾᩣᨩᩲ᩶ᨯᩰᩫ᩠ᨿᨠᩖᩩ᩵ᨾᩃᩢᨴ᩠ᨵᩥᨼᩰᩅᩥᩈ᩠ᨴ᩼ ᩓᨠᩖᩩ᩵ᨾᩃᩢᨴ᩠ᨵᩥᩈᩣᩴᨯᩯ᩠ᨦᨻᩃᩴᩋᩣᩁᩫᨾ᩠ᨾᨱ᩼ᨷᩯ᩠ᨷᨿᩮᩬᩥᩁᩡᨾᩢ᩠ᨶ᪩ ᨤᩫ᩠ᨾᨴᩘ᩠ᩃᩣ᩠ᨿᨧᩫ᩠ᨯᨧᩣᩴᩅᩯ᩠ᨶᨣᩰᩡᩅ᩵ᩤᨸᩮ᩠ᨶᨩ᩵ᩣ᩠ᨦᨲᩯ᩠᩶ᨾᨴᩦ᩵ᩈᩣᩴᨣᩢ᩠ᨬᨲᩯ᩵ᩉ᩠ᨶ᩶ᩣᩅᩮᨴᨶᩣ᪨ ᨷᩩᨣ᩠ᨣᩃᩥ᩠ᨠᨴᩦ᩵ᨾᩦᨷᩢᨬ᩠ᩉᩣᨡᩬᨦᨡᩮᩢᩣᨠᩖᩣ᩠ᨿᨸᩮ᩠ᨶᨽᩣ᩠ᨻᨧᩣᩴᨡᩬᨦᩆᩥᩃ᩠ᨷᩥᨶ᩼ᨤᩫ᩠ᨶᨴᩩᨠ᩠ᨡ᩼ᨿᩣ᩠ᨠᨲᩣ᩠ᨾᨶᩯ᩠ᩅᨣᩴᩤᨣᩧ᩠ᨯᨷᩯ᩠ᨷᩁᩰᨾᩯ᩠ᨶᨲᩥ᩠ᨠ᪩ ᨷᩢ᩠ᨯᨯ᩠᩵ᨿᩅᨶᩦ᩶ ᩁᩪᨷ᩼ᨲᩯ᩠᩶ᨾᨡᩬᨦᩅᩯ᩠ᨶᨣᩰᩡᨣᩴᨶᩢ᩠ᨷᩅ᩵ᩤᨸᩮ᩠ᨶᩁᩪᨷ᩼ᨲᩯ᩠᩶ᨾᨶᩲᩉ᩠ᨾᩪ᩵ᨴᩦ᩵ᨾᩦᩁᩣᨣᩤᨻᩯ᩠ᨦᨴᩦ᩵ᩈᩩᨯᨶᩲᩃᩰᩫ᩠ᨠᨴᩦ᩵ᨣᩮᩥ᩠ᨿᨪᩨ᩶ᨡᩣ᩠ᨿᨠᩢ᩠ᨶ᪨ ᩓᨷ᩠ᩅᩫᩁᨯᩫ᩠ᨠᨡᩬᨦᨡᩮᩢᩣᨯᩱ᩶ᨸᩮ᩠ᨶᨴᩦ᩵ᨿᩬᨾᩁᩢ᩠ᨷᨶᩢ᩠ᨷᨳᩨ ᨾᩦᨠᩣ᩠ᩁᩈ᩶ᩣ᩠ᨦᨸᩖᩯᨦᨻᩥᨻᩥᨵᨽᩢᨱ᩠ᨯ᩼ᨶᩲᨩᩨ᩵ᨡᩬᨦᨡᩮᩢᩣᨤᩨ ᨻᩥᨻᩥᨵᨽᩢᨱ᩠ᨯ᩼ᩅᩢ᩠ᨦ ᨣᩬᨥ᩼ ᨴᩦ᩵ᨾᩮᩬᩥᨦᩋᩢ᩠ᨾᩈᨴᩮᩬᩥᩁ᩼ᨯᩢ᩠ᨾ ᨪᩮᩬᩥ᩵ᨦᨸᩮ᩠ᨶᩈᨳᩣ᩠ᨶᨴᩦ᩵ᨴᩦ᩵ᩁᩬᨾᩐᩣᨦᩣ᩠ᨶᩁᩪᨷ᩼ᨡ᩠ᨿᩁᩓᩁᩪᨷ᩼ᨲᩯ᩠᩶ᨾᨡᩬᨦᩅᩯ᩠ᨶᨣᩰᩡᩅᩱ᩶ᨶᩢ᩠ᨠᨴᩦ᩵ᩈᩩᨯᨶᩲᩃᩰᩫ᩠ᨠ᪩
ᩋ᩶ᩣ᩠ᨦᩋᩥ᩠ᨦ
edit- ↑ ᩋ᩵ᩣ᩠ᨶᩀ᩵ᩣ᩠ᨦᨠᩣ᩠ᩁᩋᩬᨠᩈ᩠ᨿᨦᨶᩲᨽᩣᩈᩣᨯᩢᨴ᩠ᨩ᩺