ᨾᩣᩁᩣ᩠ᨿᩉ᩼ ᨤᩯᩁᩦ (ᩋᩢ᩠ᨦᨠᩕᩥ᩠ᩈ: Mariah Carey; ᨠᩮᩥ᩠ᨭ ᪂᪇ ᨾᩦᨶᩣᨤᩫ᩠ᨾ ᨣ.ᩈ.᪁᪉᪇᪀) ᨸᩮ᩠ᨶᨶᩢ᩠ᨠᩁ᩶ᩬᨦᨩᩣ᩠ᩅᩋᨾᩮᩁᩥᨣᩢ᩠ᨶ ᨶᩢ᩠ᨠᨲᩯ᩠᩵ᨦᨽᩮᩖᨦ ᨻᩕᩰᨯᩥ᩠ᩅᨪᩮᩥᩬᩁ᩼ᨽᩮᩖᨦ ᩓᨶᩢ᩠ᨠᩈᨯᩯ᩠ᨦ᪩ ᨶᩣ᩠ᨦᨾᩦᨹᩫ᩠ᩃᨦᩣ᩠ᨶᨸᩮᩥ᩠ᨯᨲᩫ᩠ᩅᨴᩮᩥ᩵ᩬᩋᩁᩯ᩠ᨠᨶᩱᨸᩦ ᨣ.ᩈ.᪁᪉᪉᪀ ᨻᩣ᩠ᨿᨲᩱ᩶ᨠᩣ᩠ᩁᨩᩢ᩠ᨠᨶᩴᩣᨡᩬᨦᨹᩪ᩶ᨷᩁᩥᩉᩣ᩠ᩁᨤ᩵ᩣ᩠ᨿᨽᩮᩖᨦᨤᩰᩃᩢ᩠ᨾᨷᩮ᩠ᨿᩁᩮᨤᩬᩁ᩠ᨯ᩼᪩ ᨵᩬᨾᨾᩦ ᨾᩬᨴᨴᩰᩃᩣ ᩓᨯᩱ᩶ᨠᩖᩣ᩠ᨿᨸᩮ᩠ᨶᩆᩥᩃ᩠ᨷᩥᨶ᩼ᨤᩫ᩠ᨶᩁᩯ᩠ᨠᨴᩦ᩵ᨾᩦ ᪅ ᨪᩥ᩠ᨦᨣᩮᩥ᩠ᩃᩁᩯ᩠ᨠ ᨲᩥ᩠ᨯᨩᩣᩁ᩠ᨴ᩼ᩋᩢ᩠ᨶᨯᩢ᩠ᨷ ᪁ ᨷᩫ᩠ᨶᨷᩥ᩠ᩃᨷᩬᩁ᩠᩼ᨯᩌᩢᩬᨴ ᪁᪀᪀᪩ ᩉ᩠ᩃᩢᨦᨧᩣ᩠ᨠᨶᩢ᩠᩶ᨶ ᨶᩣ᩠ᨦᨯᩱ᩶ᨲᩯ᩠᩵ᨦᨦᩣ᩠ᨶᨠᩢ᩠ᨷᨾᩬᨴᨴᩰᩃᩣᨶᩱᨸᩦ ᨣ.ᩈ.᪁᪉᪉᪃ ᨾᩦᨹᩫ᩠ᩃᨦᩣ᩠ᨶᨽᩮᩖᨦᩌᩥᨴᨶᩢ᩠ᨠᩉᩖᩣ᩠ᨿ ᩓᨿᩢ᩠ᨦᨿᩮ᩠ᨿᩡᩉᩨ᩶ᨶᩣ᩠ᨦᨸᩮ᩠ᨶᩆᩥᩃ᩠ᨷᩥᨶ᩼ᨴᩦ᩵ᨾᩦᨿᩬᨯᨡᩣ᩠ᨿᩈᩪᨦᩈᩩᨯᨡᩬᨦᨤ᩵ᩣ᩠ᨿᨤᩰᩃᩢ᩠ᨾᨷ᩠ᨿᩮ᪩ ᩓᨧᩣ᩠ᨠᨡᩴ᩶ᩬᨾᩪᩃ᩼ᨡᩬᨦᨶᩥᨲ᩠ᨿᩈᩣ᩠ᩁᨷᩥ᩠ᩃᨷᩬᩁ᩠ᨯ᩼ ᨶᩣ᩠ᨦᨸᩮ᩠ᨶᩆᩥᩃ᩠ᨷᩥᨶ᩼ᨴᩦ᩵ᨷᩕᩈᩫᩛᨤ᩠ᩅᩣ᩠ᨾᩈᩫ᩠ᨾᩁᩮ᩠ᨧᨴᩦ᩵ᩈᩩᨯᨶᩱᨣᩕᩥᩈ᩠ᨴ᩼ᨴᩫᩆᩅᩢᩔ᩼ ᪁᪉᪉᪀ ᨶᩲᩈᩉᩁᩢᨭᩛᩋᨾᩮᩁᩥᨣᩤ᪩
