ᨻᩥᨣᩢ᩠ᩈᨪᩰ ᨾᩦᨩᩨ᩵ᨲᩮ᩠ᨾᩅ᩵ᩤ ᨻᩣᨷᩖᩰ ᩁᩩ᩠ᨿᩈ᩼ ᨻᩥᨣᩤᨪᩰ (ᩈᨻᩮ᩠ᨶ : Pablo Ruiz Picasso ᪨ ᪂᪅ ᨲᩩᩃᩣᨣᩫ᩠ᨾ ᨣ.ᩈ.᪁᪈᪈᪁—᪈ ᨾᩮᩇᩣᨿᩫ᩠ᨶ ᨣ.ᩈ.᪁᪉᪇᪃) ᨸᩮ᩠ᨶᨩ᩵ᩣ᩠ᨦᨲᩯ᩠᩶ᨾᨴᩦ᩵ᨾᩦᨩᩨ᩵ᩈ᩠ᨿᨦᨡᩬᨦᩃᩰᩫ᩠ᨠ ᩓᨸᩮ᩠ᨶᨷᩩᨣ᩠ᨣᩫᩃᨴᩦ᩵ᨶᩥᨲ᩠ᨿᩈᩣ᩠ᩁᨵᩱᨾ᩠ᩈ᩼ ᨿ᩠ᨠᩫᩉᩨ᩶ᨸᩮ᩠ᨶᩆᩥᩃ᩠ᨷᩥᨶ᩼ᨴᩦ᩵ᨾᩦᨻᩬᩁᩈ᩠ᩅ᩻ᩢᩁ᩠ᨣ᩼ᨶᩲᨠᩣ᩠ᩁᩈ᩶ᩣ᩠ᨦᩈᩢᩁ᩠ᨣ᩼ᨶᩢ᩠ᨠᨴᩦ᩵ᩈᩩᨯᨶᩲᨣᩕᩥᩈ᩠ᨲᩈᨲᩅᩢᩔ᩼ᨴᩦ᩵ ᪂᪀᪩ ᨻᩥᨣᩢ᩠ᩈᨪᩰᨠᩮᩥ᩠ᨭᩅᩢ᩠ᨶᨴᩦ᩵ ᪂᪅ ᨲᩩᩃᩣᨣᩫ᩠ᨾ ᨣ.ᩈ.᪁᪈᪈᪁ ᨴᩦ᩵ᨾᩮᩬᩥᨦᨾᩣᩃᩣᨣᩣ ᨤ᩠ᩅᩯ᩶ᩁᩋᩢ᩠ᨶᨯᩣᩃᩪᨪᩮ᩠ᨿ ᨹᩣ᩠ᨠᨲᩬᩁᨲᩲ᩶ᨡᩬᨦᨷᩕᨴᩮ᩠ᩆᩈᨻᩮ᩠ᨶ᪩ ᨸᩮ᩠ᨶᩃᩪᨠᨩᩣ᩠ᨿᨤᩫ᩠ᨶᨣᩮᩢ᩶ᩣᨡᩬᨦᨶᩣ᩠ᨿᨯᩬᨶ ᨥᩰᨪᩮ ᩁᩩ᩠ᨿᩈ᩼ ᩋᩦ ᨷᩃᩢ᩠ᩈᨣᩰ (ᨣ.ᩈ.᪁᪈᪃᪈—᪁᪉᪁᪃) ᨣᩕᩪᩈᩬᩁᩆᩥᩃ᩠ᨷᨶᩲᨾᩉᩣᩅᩥᨴ᩠ᨿᩣᩃᩱ᩠ᨿ᪨ ᨠᩢ᩠ᨷᨶᩣ᩠ᨦᨾᩣᩁᩦᩋᩣ ᨻᩥᨣᩤᨪᩰ ᩋᩦ ᩃᩰᨻᩮ᩠ᩈ᪩
