Wp/niu/Tika

< Wp‎ | niu
Wp > niu > Tika

Tika – ko e tika ko e koloa ne fakaaoga he feua ta tika. Ko e feua ta tika ko e taha feua fetoko ha Niue tali mai tuai tiga hau ato hoko mai ke he vaha nei. Pehe mai ko e vaha ia ko ia ka mua he ta tika ko e mena ai finatu a ia ke moua e tika haana ne ta, ka kua hola a ia neke moua he faoa ke keli mate ai a ia. Ko e tika ko e mena ua e vala he tika taha ko e fakaulu, mo e taha ko e ka. Ko e fakaulu ko e vala akau mai he tau akau ko e toi, kieto poke gigie kua talai fakaveliveli mo e fai pene ai ke humaki ke he taha matapotu he ka tika. Ko e ka tika mena ka loa mo e tea mena talaga mai he ka mamala. Ko e puhala ke taute aki e ka mamala ko e lagi i luga he umu, fole mogoia e kili i fafo ti pipi mogoia he pou ke fakahahako poke fakamau aki e hako he ka tika. Ko e aaki mai he pou mogoia ke hehele fakaku mo e talaga mo fakahu aki e ka sika. Ko e matapotu ka humaki aki e fakaulu ka ikoiko aki e kave filo tia fi ululuga, ko e taute pihia ke mao mo e mau e fakaulu he magaaho ke humaki ai e pene he fakaulu ki loto he ka tika. Ko e tika ka mua ko e tika ne mamao atu ki mua mai he tau tika oti.


Koe tika koe taha hutuaniu he tau toa Niue he vaha fakamua. Nakai koe fakaaoga kehe tau feua tokotaha, kae fakaaoga fokii mae tau vaha tau. He tau mogo ka tau ai moe tau fi....fa lahi ai ke tau liti fakamua e tau tika ke tui ai e tau tagata. Koe kau ka pakia mai he tau tika nai, ato fakaoti ai e tau tagata moe tau tao.