Sepak bula iete parmainan ulahraga bula hai je imainkan 11 uluh pamain tuntang belah ah tege je manjadi cadangan. Tujuan main bula iete dengan cara patame bola ka gawang lawan. Sepak bula modern ingembang hong nyelu 1863 awi Ebenezer Cobb Morley dengan imendeng ah Asusiasi Sepak Bula Inggris (The FA). Tame abad ka-21, ulahraga jituh jadi imainkan labih bara 250 juta uluh melai 200 nagara, je manjadikan ah ulahraga tangka basewut sadunia.
.jpg)
Huang sepak bula tege induk organisasi sepak bula dunia iete FIFA (Fédération Internationale de Football Association). Konfederasi sepak bula tege jahawen melai masing-masing banua iete AFC, CAF, CONCACAF, CONMEBOL, OFC, tuntang UEFA. Melai Asia Tenggara tege AFF sabagai subkonfederasi sepak bula ah. Indonesia kabuat tege asusiasi sepak bula ah iete PSSI (Persatuan Sepak Bola Seluruh Indonesia).
Sepak bola kea tege ajang turnamen sepak bula akan batanding malawan kare klub tuntang tim nasional. Kilau Piala Dunia, Piala Asia, Piala Eropa (EURO), Piala Afrika, Piala Copa América (Amerika Selatan), Piala Amas CONCACAF (Amerika Utara), Piala Oseania, Liga Champions UEFA (UCL), tuntang kare macam turnamen hindai. Melai masing-masing nagara tege kea liga ah masing-masing kilau Indonesia tege Liga 1, liga 2, tuntang liga 3. Wayah tuh sepak bula tege sekolah akademi klub ah masing-masing akan malatih kamampuan bangang sepak bula bara tabela.