Wp/nhn/Tochtli

< Wp‎ | nhn
Wp > nhn > Tochtli
Tochtli
Tequihuacayotl Yolcameh (Animalia)
Phylum
Classis Chichinimeh (Mammalia)
Ordo
Cenyeliztli Tochmeh (Leporidae)
Tlamancayotl Oryctolagus cuniculus


In tochtli nozo tochin (latintlahtolli; Oryctolagus cuniculus), ce chichini yolcatzintzin itechpa in tochmeh icenyeliz (latintlahtoltica; Leporidae), yolcatzin ica hueyic nacaztli, hueyi itzontecoma, polihui ixoxohua, nenca imama, tzontic cuetlaxtli, cenca inacayo huan ce nenepilli. Inin yolcatl itech nemi ipan cuauhtlahtli, zacatlan, teotlalli huan tepemeh. Ce yolcatl itech Europa, ica hueyic huahpacayotl nehnenca otlacat ompa Europacopa.

In huahcapayotl cah nochimeh tlacatiyan, axcanapah cah ipan occequin onohuayan Centlalticpac quemeh Australia, Chile, Yancuic Zelanda, Rusia, Africa Huitztlampa, Marruecos, Canada, huan Mexihco. Tlacameh tlacuah totochtin, inaca cenca huelic, inon chichini ca ica calpan itechcopa achtocahuitl quemeh tlapixcayotl ipan ichan.[1]

Tochtli inacayo edit

 
In tochtli.

Tochtli in oquichtli, motenehua cihuatochtli icihua. Momatqui nemi ihcuac otlacat intlah itechcopa in nancoyonqui. Yeppan ic ome hueyic ixtelolohtli, itzontecoma, quipiya ce camatl ihuan hueyic inacazhuan; ome acaxotl, quipiya ome xopilmeh. Quipia ome imama, nochi inacayo tlapotonilli. timotlaloa huel miyac, quichihua coyonquin tlatzintlah tlalli.

Tlacualli edit

In tochtli tlacua xoxoctic zacamilli, xinachtli, xihuitl ihuan zacazolli. imotlacua noyuhqui icampa camohtli. Ipan pixcayotl no tlacachantli, inin totochtin onili atl, tlacua cinxinachtli, camohtli, xihuitl ihuan zacatl.

Huahcapayotl edit

Miyac xihuitl achtocan, ipan tlalli tlen campa itztoyan huecauh tochmeh onenemi ipan zacatlah, cuauhtlah ihuan ixtlahuahcan, in anqui macehualtlacatl otlahtlamac tochmeh ipampa tlacualli, zantepan yehuatl nemiltiliaya tochcoconeh ihuan tlanacayotiaya tomahuac tochtin. Mexihcah onamacaqueh ipan tianquiztli in tochmeh.

Ihcuac europanecah oacicoh ompa Ixachitlan, macehualtlacameh quipiayah tlapilyalmeh, in tochtli ce chichini ipampa tlacualli. In ompa Espanya quitoznequi nahuatlahtolcopa Tochtlalpan.

Tequichihualiztli edit

 
Tochtli ipan mixtecaamoxtli itequichihualiz.

Inin chichini yolcatl, man xiteyolahcocui in macehualtlacatl; mixtecah ihcuiloa tochmeh ipan amatl, tlacuilo ihtla amoxmeh itech teoyotl.

In amoxtli Alice in the Wonderland, quipiya ce tochtli cenca cualyoyomitl.

Man xiquitta edit

Toquiliztequitl edit

  1. La crianza del conejo SAGARPA, 19 marzo xiuhpan 2018.

Amoxtiliztli edit

  • Wilson, Don; Reeder, DeeAnn, eds. (2005). «Oryctolagus». Mammal Species of the World (inglestlahtolli) (3ª edición). Baltimore: Johns Hopkins University Press, 2 vols. (2142 pp.). ISBN 978-0-8018-8221-0.
  • Wilson, Don; Reeder, DeeAnn, eds. (2005). «Oryctolagus cuniculus». Mammal Species of the World (inglestlahtolli) (3ª edición). Baltimore: Johns Hopkins University Press, 2 vols. (2142 pp.). ISBN 978-0-8018-8221-0.

Cequin tlatilantli edit