Kajel (noso Xokotl, Xokotl Tsopelik, Tsopelxokotl), se tlakilyotl. On Kajelkojtli itlakilyomej itoka kajel, kajel itlapajli chilmoltik noso chilejki. Yejuin tlakilyotl kipiya se sabor tsopeltik iuan xokoktik, niman kipiya se kuajli ajuiyak. On kajel ouajlakej ne uejka ikisayan tonajli, ipan on tlali tlen aman itoka China. Ipan kixtianotlajtoli (noso español), kajel itoka Naranja. Tlajtojli "naranja" kijtosneki "kajel" niman ualeua itech tlajtojli sánscrito "narang" (नारंग). On kajelkojtli ipan kixtianotlajtoli itoka "naranjo", yejuin tlajtojli ualeua itech tlajtojli árabe "naranj" (نرنج). Kajelkojtli noneki tiempo tona niman miyek tonaltlauijli iuan atl. Tla onka seki seua noso tla uetsi seuktle, yejuin kojtin mikiskia pampa xkuelitta on sesekilistli.