Wp/nd/Lovemore Majaivana

< Wp‎ | nd
Wp > nd > Lovemore Majaivana

U Lovemore Tshuma wazalwa ngomnyaka ka 1954, Waziwa kabanzi ngegama elithi Lovemore Majaivana. Ungumhlabeleli wase Zimbabwe odumileyo kakhulu. Udume ngokuhlabela ngolimi lwesintu njalo waba ngumhlabeleli oqhamileyo odabuka e Gweru. Igama elithi Majaivana waliphiwa ngenxa yobugabazi bokugida.[1][2]

Imbali edit

Ukusungula impilo lo msebenzi edit

U Lovemore Tshuma wazalelwa eGweru, wathi eselinyaka emine , imuli yangakibo yathuthela koBulawayo lapho uMajaivana wafika wahlabela ebandleni uyise owayengumfundisi khona. Eseleminyaka elitshumi lanhlanu watshaya ingungu kuqembu lako Bulawayo okwakuthwa yi Hi-Chords. Wasuka waya esigodlweni e Harare lapha afika waqala ukuhlabela endaweni zokubhiyoza ebusuku ehlabela elingisa ingoma zabo Tom Jones labo Elvis Presley. Waphenduka ko Bulawayo, wahlabela okweminyaka emine waphinda wabuyela esigodlweni wafika wabumba elakhe iqembu okwakuthiwa yi Jobs Combination. Ibizo leli livela kubizo yendawo yokubhiyoza okuthiwa yi Job's Nightclub (yayingeka somabhizimusi okuthiwa ngu Job Kadengu) lapho iqembu lika Majaivana elalitshaya khona nsuku zonke.[3]


Isithathelo edit

  1. https://www.allmusic.com/artist/lovemore-majaivana-mn0001250551
  2. https://www.herald.co.zw/majaivana-honoured-at-last/
  3. https://www.thestandard.co.zw/2012/10/28/majaivana-blesses-son-to-take-up-music