Isitshwala yikudla okuphekwa ngempuphu lamanzi okusuthisayo. Isitswala yikudla kwansuku zonke emazweni amanengi eAfrica.[1] Isitshwala sidliwa lesitshebo esinjengemibhida, uchago, amacimbi, kumbe inyama. Kuyenzeka ukuthi isitshebo sibe yinhlanganiso yembhida lenyama. Isitshwala yikudla okupha amandla emzimbeni.
.JPG)
Indlela yokupheka
editIzinto zokusebenzisa
edit- Imbiza kumbe umphika
- Uphehlo
- Uphini
- Ukhezo lwempuphu kumbe inkomitsho encane
- Iziko lokuphekela (umlilo obasiweyo kumbe isitofu)
- Impuphu
- Amanzi ahlanzekileyo
- Umganu wokuphakululela
Indlela
edit- Umpeki uyabasa umlilo wokupheka.
- Umpheki uyathela amanzi embizeni.
- Umpheki uyafaka imbiza eziko ukuze abilise amanzi aphakathi.
- Umpheki uyehlisa ukutshisa kweziko mbijana amanzi esebila.
- Umpheki uyafaka impuphu embizeni kancane kancane abe esephehla ukuze abulale amapuntu.
- Umpheki uyaqhubeka ukufaka impuphu ephehla aze eyenze ilambazi elitebhayo.
- Umpheki uyakhawula ukufaka impuphu lokuphehla ayekele ilambazi lixhwathe okwemizuzu emilutshwane.
- Umpheki uyaqhubeka ukufaka impuphu embizeni ngesikhati sinye ebonda ngophini.
- Umpheki uyakhawula ukufaka impuphu nxa isitshwala sesizajiya kodwa aqhubeke ukubonda.
- Isitswala singajiya umpheki uyakhawula ukubonda asinike ithuba lokuthi sitswinye.
- Umpheki uyaphendula isitshwala ukuze singatsheli sisajiya.
- Umpheki uyakhupha isitswala eziko (nxa kuyikuthi usisebenzisa isitofu asicitshe).
- Umpheki uyagezisa uphini ngamanzi abesephakulula isitshwala ngophini oluhlanzekileyo.