Wp/nd/Albert Nyathi

< Wp‎ | nd
Wp > nd > Albert Nyathi

UMnumzana Albert Nyathi (uzelwe mhlaka 15 NgoLwezi womnyaka ka 1962 esigabeni se Kafusi emkhonweni we Gwanda[1] emzansi womhlubulo waseMatabeleland uyimbongi yaseZimbabwe[2], ungumculi, uyaloba ingwalo, uyalingisa, njalo uphatheke ekuncedene umphakathi, udume ngembongi lo mculo othi "Senzeni na?", ayiloba ngesikhathi kubulawa uMnumzana Chris Hani. UNyathi utshade loNkosikazi uCaroline njalo babusiswe ngengane ezintathu.

Imfundo edit

Imfundo yesikolo yaphezulu uNyathi uyithole eMsitheli Secondary School lase Matopo High School. Ufundele isicoco seSingisi phakathi kweminyaka yama 1990 ekolitshini lemfundo ephakeme yaseZimbabwe.

UNyathi uqale ukuhaya imbongi esesengumfana omncane echitha isikhathi sakhe eselusa inkomo eGwanda. Eminyakeni edlulileyo abalandeli bakhe baye ngokwanda ikakhulu emazweni eAfrica langaphandle kwezwekazi leAfrica.[3]

UNyathi uhaye iNkosi yamaNdebele lomsunguli weSizwe sakoMthwakazi iNkosi UMzilikazi kaMatshobana[4]. Usevakatshele amazwe amanengi kugoqela kwela baTswana], kweleZambia, eMazweni Amanyeneyo AseMelika, KweleRussia, kweleDenmark, kweleNetherlands, laseMzansi Afrika.

UNyathi uselobile amabhuku athi My Son lo My Daughter kusukela kunkondlo zakhe

  1. https://www.thestandard.co.zw/2019/06/02/albert-nyathi-takes-skies
  2. https://web.archive.org/web/20141216185852/http://albertnyathi.com/
  3. https://www.britannica.com/place/Africa
  4. https://www.sahistory.org.za/people/king-mzilikazi