Wp/na/Genesis

Genesis - aikwen buch ian Bibel.

• Genesis (1.1–1.8)

1. Ñaga ã eitsiõk õrig imim, Gott õrig ianweron me eb.
2. Me eitsiõk erig imin ñana bain eat eb, me eko õañan, mi itũr emek animwet ijited, ma Anin Gott õmakamakur animwet ebõk.
3. Me Gott ũge, Enim eaõ, me eaõen.
4. Me Gott ãt iaõ bwo omo, me Gott õekae iaõ mi itũr.
5. Me Gott eij eget iaõ bwa Aran, me E ij eget itũr bwa Anũbũmin. Ma antsiemerin ma antsioran ar eken ũrõr adamonit ibũm.
6. Me Gott ũge, Enim tsinime firmament inimaget ebõk, me enim ekae ebõk atsin eat ebõk.
7. Me Gott eririñ firmament, mõ õ ekae ebõk ñea ijõñin firmament atsin eat ebõk ñea itũgain firmament, mõ ũgan.
8. Me Gott eij egen firmament bwe Ianweron. Ma antsiemerin ma antsioran ar eke ũrõr karabũmit ibũm.