Leba itu sejenis serangga yang dikenal kerno hidupnyo bekelompok biarpun sebenernyo idak seluru leba mak itu. Segalo leba masuk dalem suku atau familia Apoidae (ordo Hymenoptera: serangga besayap selaput). Di dunio kiro-kiro ado 20.000 spesies leba dan pacak ditemuke di setiap benua, kecuali Antarktika.
Sebagai serangga, leba ni ado pasangan kaki samo duo pasang sayap. Leba mikin sarangnyo di pucuk bukit, di pohon kayu samo di atep ruma. Sarangnyo dibangun dari propolis (perekat geta pohon) samo malam yang dihasilke ole kelenjar leba betino yang masi mudo ado dalem badannyo. Leba makan nektar bunga samo serbuk sari.