Wp/mui/Laot

Laot pacaq dikatoke sebagè kómpólan atawa amparan luas banyu asin yang nutupi lebéh dari 71% permukaan bumi. Lantak adonyo laut ni la daratan di bumi jadi kebagi, pacak benua-benua pacak jugo pulau-pulau kecik. Laut pacak jadi penyebab perobahan iklim di bumi, jugo punyo peran pentèng aman dihubungke dengen siklus aèr, siklus karbon, samo siklus nitrogèn. Laut sampe mak ini ari kebagi jadi limo samudra besak diantaranyo Samudra Atlantik, Pasifik, Hindia, Arktik samo yang palèng baru ni Samudra Selatan.

Di laut jugo ado banyak habitat samo èkosistem yang berbèda-bèda pulo, misalnyo garès pantai, bagian permukaan laut yang diterangi sinar matoari, bagian di kedalaman laut yang punyo tekanan besak, zona abyssal yang dingin gelap pulo, perairan dingin di bawah es kutub sampe ke terumbu karang di daerah tropis.

Laut jugo jadi unsur penting untuk nopang aktivitas industri manusio, misalnyo iolah sebage sumber tenago pembangkit listrik. Selaen itu Laut nyedioke pasokan makanan yang besak dan biso diambek olè manusio kususnyo iwak, selaen itu ado jugo mamalia laut, kerang, krustasèa, moluska, samo rómpót laut, nak itu yang ditangkep secaro langsung apo dak yang suda dikembangke di tambak. Tapi di sisi laèn jugo laut pacak jadi ancaman kapan ado bencano alam pècak tsunami dan siklon tropis.

Oksigèn

Banyaknyo kadar oksigèn di laut tegantung dari taneman yang tumbuh di jerunyo terutamo alga, termasók jugo sekompolan fitoplankton, samo beberapo tumbuhan vaskular semisal rómpót laut. Kapan mulak'i siang, aktivitas dari taneman tadi pacak ngasilke oksigen yang larut di laut, terós dirup olè hewan-hewan laut. Beda pecak di laut jeru (lapésan paléng bawah dari lautan) yang dak katek sumber cahayo disano, singgonyo oksigèn yang larut di daerah sini jumlahnyo dikit nian.

Banyaknyo cahayo matoari yang masok ke laut ado beberapo faktor diantaranyo; begantung samo sudut dari mano cahayo matoari itu dateng, kondisi iklim, samo tingkat kekeruhan aer. Ado banyak cahayo matoari yang dipantulke lagi dari permukaan laut, yang dipengaruhi samo warno cahayo itu dewek. warno abang pacak tembus cuman sampe beberapo meter dari permukaan; warno kuning dan ijo nyampe kedalaman yang lebeh dalem dari warno abang; warno biru samo ungu pacak nembus sampe kedalaman 1.000m. tapi tetep be dak katek cahayo yang cókóp yang biso ngenjuk energi ke taneman untuk fotosintèsis yang kedalamannyo lebéh dari 200 meter.

Temperatur

Temperatur laut begantung samo besaknyo radiasi matoari yang jatuh ke permukaannyo. Di daerah tropis, matoari punyo suhu hampér di pucuk suhu lapisan permukaan yang pacak be naek jadi lebéh dari 30°C, sedengke di parak kutub, suhunyo nyampe -2°C. Ado sirkulasi aer yang terus-terusan perputarannyo cuman di lautan bae. Arus permukaan yang anget jadi dingin kapan njao dari daèrah tropis. Suhu aer di laut dalam antara −2°C sampe 5°C di seluruh lautan di bumi. Aer laut dengen kadar garam 35 ‰ punyo titik beku kiro-kiro nyampe -1,8°C.