Islam (Arab: الإسلام, translit. al-islām) itu agama yang ngimani sikok Tuhan, itu Allah. Dengen lebéh dari semiliar seperapat wong yang nganut, Islam pulo jadi agama paléng besak keduo di dunio abés agama Krésten. Islam punyo reti "penyerahan", maksudnyo penyerahan diri segenepnyo ke Tuhan (Arab: الله, Allāh). Yang nganut ajaran Islam disebut pulo Muslim yang punyo reti "wong yang nunduk pado Tuhan", genepnyo itu Muslimin buat lanang samo Muslimat buat betino. Islam ngajarken amen Allah tu nurunken firman-Nyo pado manusio dengen nabi-nabi samo rosul utusan-Nyo. Islam pulo ngajarken wong buat yakén nian amen Muhammad itu nabi samo rosul terakhér yang diutus ke dunio oléh Allah.