Wp/mui/Aferiké

< Wp‎ | mui
Wp > mui > Aferiké

Afrika itu sikok namo benua paléng besak samo paléng padat keduo abés Asia. Luasnyo nyampé 30.244.050 km² (diitung dengen gabóngan pulau-pulau kecik di parak situ) yang jugo termasók 20,3% dari seluruh luas daratan di Bumi. Banyaknyo populasi manusio disano kiro-kiro 1,3 miliar jiwa per 2018, yang jugo nyumbang kiro-kiro 16% dari seluruh populasi manusio di dunio. Benua ini jugo diciréni olé tingginyo angko kelahéran disano.

citra satelit Benua Afrika yang diambék olé NASA
péta wilayah Afrika yang diciréni olé warno abang

Benua Afrika beparak'an dengen Laut Méditerania di sebelah utara yang misahinyo dari benua Éropa, terós di sebelah barat dengen Samudera Atlantik. Secaro géografis benua ini diciréni samo macem-macem variasi iklim samo lingkungan pecak; gurun, sabana, teko hutan hujan. Beberapo kuto besak di Afrika termasók ke wilayah métropolitan di dunio, diantaranyo itu; Kairo, Lagós, Kinshasa, Johannésburg, Luanda, samo Aléxandria. Negara bagian tebesak di benua Afrika iolah Aljazair (kiro-kiro luasnyo 2.382 juta km²), sedengke yang tekecik iolah Seychelles (458,4 km²), sikok negara kepulauan di lepas pantai timur. Sementaro aman di daratan benuanyo, negara tekeciknyo iolah Gambia (11.295 km²)

Afrika dianggep sebagé tempat kelahéran umat manusio. salah sikok peradaban maju bikinan manusio yang paléng pertamo kebentók ado di benua ini, tepatnyo di Mesir kunó. Selamo ribuan taun pulo muncul kerajoan-kerajoan besak pecak Kekaisaran Abyssinia.

Etimologi edit

Namo Afrika pertamo kali digunoke olé petinggi Romawi, Scipio Africanus. Asal kato Afrika berasal dari baso Latén "Afer" (jamak: "Afri"), yang retinyo iolah "wong Afrika", namo yang dienjuk untuk manggél wong-wong yang tinggal di daerah Afrika Utara.[1] Penggunoan istilah ini mula'i dipake samo wong-wong disano dari dulu sampe mak ini ari. Istilah umum laénnyo iolah "Afer" dari baso Ibrani "afar" ("debu"), dari baso Yunani "aphrike" ("dingin"), atawa dari baso Latén "aprica" ("cerah").

Negara-negara edit

Afrika Utara edit

Negara-negara utamo Afrika Utara termasók Maroko, Sahara Barat, Aljazair, Tunisia, Libya, Mesir, samo Sudan.[2]

Sub-Sahara Afrika edit

Afrika Tengah edit

Negara-negara yang masók ke wilayah Afrika Tengah diantaranyo; Angola, Guinéa Khatulistiwa, Gabon, Kamérun, Républik Démokratik Kongo, Republik Kongo, São Tomé dan Príncipe, Chad, samo Républik Afrika Tengah.[2]

Afrika Barat edit

Negara yang berado di kawasan Afrika Barat diantaranyo; Benin, Burkina Faso, Tanjung Verde, Pantai Gading, gambia, Ghana, Guinea, Guinea-Bissau, Liberia, Nigeria, Republik Niger, Sierra Leone, samo Togo.[2]

Afrika Timur edit

Negara di wilayah ini yang biasonyo galak dikunjungi keno adonyo minat pariwisata iolah Uganda, Kenya, samo Tanzania. Negara-negara di Afrika Timur diantaranyo; Étiopia, Burundi, Djibouti, Éritréa, Kénya, Komoro, Madagaskar, Malawi, Mauritius, Mayotte, Mozambik, Reuni, Rwanda, Zambia, Seychélles, Zimbabwé, Somalia, Sudan Selatan, Tanzania samo Uganda.[2]

Afrika Selatan edit

Negara yang berado di kawasan Afrika Selatan diantaranyo; Botswana, Eswatini, Lesotho, Namibia, samo Afrika Selatan.[2]

Réferénsi edit

  1. South African History Online. [1]. Diakses pada 29 Juni 2021.
  2. 2.0 2.1 2.2 2.3 2.4 UNSD-Methodology. [2]. diakses pada 9 Agustus 2021.