Éropa itu sikok namo benua yang letaknyo ado di seperlimo bagian barat daratan eurasia dengen luas wilayahnyo nyampé 10.180.000 km², yang didiemi olé 743.789.421 jiwa (per 2019) apo dak kiro-kiro 11% dari total populasi manusio di dunio. Secaro géografis Éropa ni cuman anak benua dari gabungan benua yang besak, Éurasia (gabungan dengen Benua Asia), tapi namo éropa dipisahke jadi sikok benua keno adonyo nlai-nilai sejarah samo budayonyo. Mako sebabnyo istilah éropa idak dijelaske cuman secaro géografis baé, tapi dijingok jugo dari aspék sejarah, budayo, politik, ékonomi, samo hukum.
.svg)
Iklim edit
Sebagean besak wilayah Éropa ado di Zona Iklim Sedeng. Iklim di Éropa diciréni olé empat jenis iklim, diantaranyo; Iklim Atlantik, Iklim Kontinental/ Benua (galak ado di wilayah Éropa Timur), Iklim Arktik (cuman di beberapo wilayah Éropa Utara), samo Iklim Méditerania di Éropa selatan. Ado jugo namonyo Iklim Éropa Tengah, yang disebabke keno adonyo transisi antara empat jenis iklim tadi (biasonyo galak ado di negara Republik Ceko, Slovakia, samo Hongaria). suhu paleng ekstrim yang perna dicatet di benua ini nyampe +51°C di Seville, sementaro suhu paleng rendahnyo di titik -55°C di Hugor (Rusia).
Demografi edit
Kelompok ras edit
Éropa dari jaman bingen sampe mak ini ari suda jadi persimpangan tempat betemunyo beberapo suku dan ras di dunio. Dari hasél persilangan itu muncullah ras Éropa yang dibagi jadi beberapo kelompok diantaranyo; Méditerania, Laut Adriatik, Alpine, Baltik, wong Skandinavia, samo Lapland. maséng-maséng suku tadi tinggal di daerah-daerah tertentu bae.
Baso edit
Kelompok baso yang paléng banyak dipake di Éropa iolah rumpun baso Rumania, Jerman, samo Slavia. Diantara tigo ékok baso itu Slavia jadi yang paleng dominan keno rato-rato banyaknyo penuturnyo. Selaen itu ado jugo sikok rumpun baso namonyo Indo-Eropa, diantaranyo iolah baso Yunani, Baltik, Celtik, Albania, samo Armenia.
Kelompok baso Ural samo beberapo rumpun baso kecik masih ditemuke di wilayah Kaukasus Selatan. Baso Malta iolah sikok-sikoknyo baso Semit yang ditemuke di Eropa dan jadi baso resmi Uni Eropa.
Wilayah edit
Menurut data dari PBB, Éropa tebagi jadi empat ikok sub wilayah; Éropa Utara, Éropa Barat, Éropa Timur, samo Éropa Selatan.
Éropa Utara edit
Negara-negara yang masók ke wilayah sini iolah: Britania Raya, Kepulauan Channel, Guernsey, Jersey, Denmark, Kepulauan Faroe, Finlandia, Republik Irlandia, Islandia, Pulau Man, Norwegia, Jan Mayen, Swedia, Estonia, Latvia, samo Lithuania.[1]
Éropa Barat edit
Negara-negaranyo iolah Austria, Belgia, Prancis, Liechtenstein, Jerman, Luksemburg, Monako, Belando, samo Swiss.[1]
Éropa Timur edit
Seluruh negara-negara yang termasók sebagé Éropa Timur iolah bekas pecahan Uni Soviet. Negara-negara di Éropa Timur diantaranyo: Belarus, Moldova, Ukraina, Bulgaria, Ceko, Hungaria, Polandia, Rumania, Rusia, samo Slowakia.[1]
Éropa Selatan edit
Mpuk la kadang dak ado teritori yang tetap, negara-negara yang masók ke wilayah Éropa Selatan ni iolah; Portugal, Spanyol (Kepulauan Balearik, Kepulauan Kenari), Andora, Gibraltar, Italia, Kota Vatikan, San Marino, Albania, Bosnia dan Herzegovina, Kroasia, Montenegro, Republik Makedonia, Serbia, Slovenia, Yunani, samo Malta.[1]
Réferénsi edit