Khizaw
Khizaw(Mongyu: Earth) cha chyhsazy, sahrohzy, thokôzy ama pahrâna leilô a châ. Noh tawh eima rei khiah cha sâ thôhna leilô a châ. Khizaw cha thlâpâ deita leilô lâhpâ a hnei. Khizaw cha Noh he noh 365.2564 liata chhie kha chahlô ta, kô kha tahpa ta âmâpypa a châ. Radio Matrix târi hawhta khizaw cha kô thyhluh 4.54 a ryu nota a vaw ypa a châ. Noh cha khizaw hnohta khaina nata palona a pie. Cha palona tha vâta khizaw ry chachai liata thlih lia he khisua (noh palona, thlih pathlina, avâ suana, diahti tlana, thlihrupa pathlina) he a vaw pachhichâ sâ. Khizaw liata ti 71% nata aleisa 29% chhi â hlao. A chhiepâh liata a rukawpa Zupitâ adaona thâ vâta awsi azawpazy a pakhyna tawh bâhta dei a vaina a hnei tahpa ta apypa a châ.Khizaw a vaw y tawh ei khana kô thyhluh kha kôzy lia cha hrona hu he tilaipi liata hroh pathao ta, khizaw thlih nata aleizy he paphahnaisa ta eima vaw khô cheih hawpa kô thyhluh 4.1 tawhta a thaopa ta hmohrohhneipazy he ama vaw pih pathao hawpa a lyu.Khizaw thâtih bu liata chimona chhichâna vâta hmohrohhneipa chi 99% cha a lei haw. Tanoh taih a ypa chizy dei he tha ta a kawhpa vâta chi hluh viapa py dei he palâsapa châ mâh vei.