Provinsi Sulawesi Utara tua kon popod utara in Libuton Sulawesi, tatota ibukotanya Kota Monadow. Kolitolatannya in Provinsi Gorontalo inta pinomekar nongkon Provinsi Sulawesi Utara. Bo tua, libu-libuton Sanger bo Talaud inta tua popod utaranya totok in provinsi tana'a in mososigadan takin Davao del Sur in Filipin.
Jumala ponduduk Provinsi Sulawesi Utara kon taong 2010 in ko'anto' 2.270.596 intau takin laju tumbuh ponduduknya in 1,28 porsen/taong. Gigi' 45% ponduduknya in mogutun kon kota-kota, bo agatnya 55% mogutun bi' in desa-desa. Angka partisipasi sikola tingkat dasar in molayan molantud doman ko'anto'nya in 96,10%.