Sulawesi ande Libuton Sulawesi (tangoynya in Tumonginggiris: Celebes) tua in tobatu' libuton kon wilayah Indonesia. Lokanya in kon yu'ak in Libuton Kalimantan bo Libu-libuton Maluku (Toyopan-Simur) bo kon yu'ak in Dagat Sulawesi bo Dagat Jawa (Utara-Tolatan). Loasnya in 174.600 km2, Sulawesi in libuton moloben ko-11 in dunia. Kon Indonesia, tua libuton in moloben kogopat. Populasinya in mobayong kotolu, kon tumi i bayongnya populasi Libuton Jawa bo Libuton Sumatara.
Kinira istila Sulawesi i nongkon kata-kata in bobahasa in Sulawesi Tengah, sula mangalenya libuton bo wesi mangalenya uatoy. Dega' rumujuk kon paraktek totaluy kon biji uatoy nongkon sekitar Danow Matano, diug in Sorowako, Luwu Simur. Bangsa Portugis inta noiangoy sekitar abad 14-15 Masehi, in bangsa asing inta'nya nomake' istila Celebes aka mosingog in tua libuton kokomintannya.