Wp/mnc/beging na -i fejile sejen 1 -i siren

beging na -i fejile sejen 1 -i siren(beging na -i fejile sejen ujui siren, nikan gisun: 北京地铁1号线) oci dulimbai gurun beging hoton -i na -i fejile sejen -i siren, ši jing šan kūwarabun -i gu ceng giyamun jai coo yang kūwarabun -i sy hui dergi giyamun be holbombi, oci beging na -i fejile sejen -i emke dergi ci wargi baru yabure na -i fejile sejen, oci dulimbai gurun -i fukjileme ilihiyabuha hoton -i na -i fejile sejen -i siren. siren -i boco ■ fulgiyan. golmin uheri 31 kilomitel, giyamun uheri 22, 1971 ci aniya 1 biyai 15 inenggi de beging na -i fejile sejen -i ujui bilagan weilen šanggaha, 1987 ci aniya ere siren juwe meyen de fakcahabi. 1 -i siren enteheme elhe giyai jai ini dergi ergi, wargi ergi saniyabure jugūn -i fejile de bi, nenehe gebu oci beging na -i fejile selei jugūn (nikan gisun: 北京地下铁道, 1965 ci aniya ~ 1981 ci aniya) jai beging na -i fejile sejen emu siren (nikan gisun: 北京地铁一线, 1981 ci aniya ~ 2002 ci aniya), erei dolo fu sing men giyamun deri sy hui dergi giyamun be neneme "fu ba siren" (nikan gisun: 复八线) sembi. 1 -i siren 2021 ci aniya 8 biyai 29 inenggi de sy hui dergi giyamun de ba tung siren de holbohobi, tereci juwe siren ishunde holbome hethereme deribuhebi.

enteheme elhe giyai bade bisire fulgiyan siren oci 1 -i siren

te SFM04 arbungga meihejen be baitalambi

2012 ci aniya -i wajima 10 ci siren 2 -i bilagan šanggabure onggolo, ere siren beging na -i fejile sejen -i dolo ujui labdu antaha be juwebuhebi.

giyamun

beging na -i fejile sejen 1 -i siren de uheri 22 giyamun bi, gubci giyamun gemu beging hoton de bi.

giyamun -i gebu			uheri siden (kilomitel)	giyamun -i siden (kilomitel)	forgošoro siren	tebungge kūwarabun
manju gisun	nikan gisun	inggiri gisun
ping guwe yuwan	苹果园	Pingguoyuan	0.000	0.000	■ 6 ci siren ■ S1 siren	beging hoton		ši jing šan kūwarabun
gu ceng	古城	Gucheng	2.606	2.606	akū
ba jiyoo sargašara kūwaran	八角游乐园	Bajiao Amusement Park	4.527	1.921	akū
ba boo šan	八宝山	Babaoshan	6.480	1.953	akū
ioi ciowan lu	玉泉路	Yuquanlu	7.959	1.479	akū			hai diyan kūwarabun
u ke sung	五棵松	Wukesong	9.769	1.810	akū
wan šeo lu	万寿路	Wanshoulu	11.547	1.778	akū
gung ju fen	公主坟	Yongtaizhuang	12.860	1.313	■ 10 ci siren
coohai baitai hacingga jakai kuren	军事博物馆	Military Museum	14.032	1.172	■ 9 ci siren
mu si di	木樨地	Muxidi	15.198	1.166	■ 16 ci siren			si ceng kūwarabun
nan li ši lu	南礼士路	Nanlishilu	16.489	1.291	akū
dahūme yendere duka	复兴门	Fuxingmen	16.913	0.424	■ 2 -i siren
si dan	西单	Xidan	18.503	1.590	■ 4 ci siren
abkai elhe obure dukai wargi	天安门西	Tian'anmen West	19.720	1.217	akū
abkai elhe obure dukai dergi	天安门东	Tian'anmen East	20.645	0.925	akū			dung ceng kūwarabun
wang fu jing	王府井	Guloudajie	21.497	0.852	■ 8 ci siren
dung dan jing	东单	Dongdan	22.271	0.774	■ 5 ci siren
gurun be ilibure duka	建国门	Jianguomen	23.501	1.230	■ 2 -i siren
yung an li	永安里	Yong'anli	24.878	1.377	■ 17 ci siren			coo yang kūwarabun
guwe moo	国贸	Guomao	25.668	0.790	■ 10 ci siren
da wang lu	大望路	Dawanglu	27.053	1.385	■ 14 ci siren
sy hui	四惠	Sihui	28.726	1,673	akū
sy hui dergi	四惠东	Sihui East	30.440	1.714	akū

jidere erin -i badaran

meihejen be ambarabure bodogon

beging na -i fejile sejen 1 -i siren -i antaha nonggire jakade, antaha giyamun de langgarangge ele ujelehe. beging -i butulen be elhebure ice dasan -i songkoi, 1 -i siren -i meihejen 6 huwejen ci 7 huwejen de nonggibumbi. tuttu bicibe, 1 -i siren -i giyamun golmin meimeni encu ofi, amaga ilibuha dahūme yendere duka giyamun ci sy hui dergi giyamun -i tatan 8 huwejen -i golmin meihejen be baktaci mutembi. ping guwe yuwan giyamun ci nan li ši lu giyamun -i tatan damu 6 huwejen -i meihejen be baktaci ombi, tuttu ofi tatan be halame araci acambi. araci arara weilen umesi mangga, jai 1 -i siren ba tung siren de ishunde holboho ofi, ere bodogon kemuni toktobure unde.

nelhe duka (安全门) be nonggire bodogon

1 -i siren šanggaburengge aniya goidaha, amaga ilibuha geren siren ci nelhe -i jobocun labdu. neneme yun de dedume cisui bucehe antaha bihe jalin, 2017 ci aniya 9 biyai 10 inenggi de, 1 -i siren gubci giyamun de nelhe duka nonggihabi. damu ping guwe yuwan giyamun šošohon -i ba be halame arame bi, tuttu ofi kemuni šanggabure unde. ping guwe yuwan giyamun 2020 ci aniya 4 biyai 18 inenggi ci yaksime halame arara be deribufi, ere giyamun -i 6 ci siren jai S1 siren 2021 ci aniya 12 biyai 31 inenggi de šanggaha. tereci beging na -i fejile sejen -i hetherere geren siren gemu nelhe duka be nonggihabi.

gargan siren be ilihiyara bodogon

2022 ci aniya 7 biyai 8 inenggi de, beging yun hafunun 3 ci ilihiyara bodogon (2022 ci aniya ~ 2027 ci aniya) (nikan gisun: 《北京市轨道交通第三期建设规划（2022-2027年）》) šurdecun helmen uran ilgara (环境影响评价) 2 -i iletulere tuwabun (公示) 1 -i siren -i gargan siren be ini dolo 11 ilihiyara jaka obuha. 2023 ci aniya 10biyade selgiyehe fiyelen -i songkoi, 1 -i siren -i gargan siren wargi cing lung hu dergi giyamun ci amargi ba jiyoo sargašara kūwaran giyamun baru yabumbi, jang guwe giyamun de 14 ci siren de forgošoci ombi, golmin uheri 21 kilomitel, giyamun uheri 9. jokson de ba jiyoo sargašara kūwaran (1 -i siren jingkini siren de ishunde holbombi.), katunara kuren julergi giyai (11 ci siren 2 -i bilagan de forgošombi), yuwan bo yuwan wargi duka, jang guwe giyamun (14 ci siren de forgošombi), si el cioi, heo lioi ts'un giyamun (guwali selju hoton adaha niyaman dulimba siren de forgošombi), yūn gang, wang dzo, uksura yongkiyangga tacikū, cing lung hu dergi ere 9 giyamun be ilibumbi, jai wang dzo sejen -i ilihen be ilibumbi,

afaha -i hūda

6 kilomitel de isirakūci 3 yan (6 kilomitel be baktambi), 6 kilomitel ci 12 kilomitel 4 yan (12 kilomitel be baktambi), 12 kilomitel ci 22 kilomitel 5 yan (22 kilomitel be baktambi), 22 kilomitel ci 32 kilomitel 6 yan (32 kilomitel be baktambi), 32 kilomitel ci wesihun 1 yan tome nonggici 20 kilomitel yabuci ombi. (gemun hecen deyetun -i kūwaran siren, da sing deyetun -i kūwaran siren ci tulgiyen geren siren gemu ombi.)

---