Wp/mjx/Pạchim Baṅla

This page may meet the criteria for speedy deletion. The given reason is: To protect the integrity of Santali language and their script. Because these days Santali script called "Ol Chiki" is most prominent among the community and few Lutheran Churches may using Latin script but not in formal setup. Here are two links as evidence http://lisindia.ciil.org/Santali/Santali_script.html and https://www.sentinelassam.com/story/north-east-india-news/assam-news/assam-cabinet-decision-govt-to-introduce-santhali-language-in-schools-650237 . According to indian census and linguistics Mahali is a dialect of Santali language. I hope, you delete this page as soon as possible. , with ᱯᱨᱚᱯᱷᱮᱥᱥᱚᱨ

If you disagree with its speedy deletion, please explain why on this page. If this page obviously does not meet the criteria for speedy deletion, or you intend to fix it, please remove this notice, but do not remove this notice from pages that you have created yourself.

Administrators, remember to check incoming links and the page history (last edit) before deletion.

Pạchim baṅla se pạchim baṅla do Bharot reaḱ mit́ rajosṭi kana. Noa rajosṭi samaṅ Bharot re Boṅgo dorea reaḱ etom seć re menaḱa. 2011 serma reaḱ hoṛlekha lekhate, noarajosṭi ren rajosṭi 9 koṭi 13 logkho khon ho baṛti. Hoṛko lekhare Pạchim Baṅla Bharot reaḱ turuy anaḱ ṭhaw re menaḱa. Noa rajosṭi 88,742 kimi (34,267 ma) te pasnaw menaḱa. Pạchim baṅla baṅla pạrsi baṅla jạti koaḱ baṅla ṭoṭha reaḱ mit́ hạṭiń kana, menkhan baṅgali sãw eṭaḱ jạti koaḱ othasa hõ kan geya. Noa rajosṭi samaṅ sehet́ re baṅlades ar etom sehet́ nepal, bhuṭan disom menaḱa. Bharot reaḱ o̱ḍisa, jharkhõḍ, bihar, sikkim ar asam rajosṭi ko hõ pạchim baṅla reaḱ simạna are geya. Rajosṭi reaḱ rajgaṛ kolkata sohor do huyuḱ kana Bharot reaḱ eyay maraṅ maha nogor. Pạchim baṅla reaḱ dosar maraṅ nagar do bordhoman. Bardhoman, asanso̱l, siliguṛi, durgapur noa moṇe goṭaṅ pạchimbaṅla reaḱ moha nagar. Otnoḱ lekate darjiliṅ hemalburu ṭoṭha, gaṅga bodip, raṛ oncol ar dorea are sundorbon reaḱ hạṭiń ko noa rajosṭi re menaḱa.

Ńutum

Boṅgo se baṅla ńutum do oka khon heć kana ona do baḍae bạnuḱa. Noa ńutum oka khon heć akana ona babot́ ayma lekan katha cạlu menaḱa. Mit́ monot lekate noa do isạy laha (bce) 1000 re noa ṭoṭha re tahen kan drabiṛ upo jạti koaḱ pạrsi khon heć akana. Huy dareaḱ-a baṅla ạṛạ boṅgo do maṇe raj bhoṅgo raj se (boṅgo) khon heć akana. Soṅkrit sãwhet́ re boṅgo ńutum do ayma jayga rege ńeloḱa.

1947 serma re briṭis bharot reaḱ baṅla prodes reaḱ pạchim ṭoṭha phurgạl Bharot reaḱ rajosṭi lekate benaw en tayom pạchim baṅla ńutum doho huy lena. Menkhan sarkari lekate iṅlis tedo west bengal (wesṭ beṅgol) ńutum ge cạlu menaḱa. 2011 serma re pạchim baṅla sarkar rajosṭi reaḱ iṅlis ńutum bodol katej paschimbanga (poscimbaṅla) doho reaḱ prostab be em ke-a.

Ḍemographi

Horlekha uthnạw

Pạchim baṅla reaḱ hoṛ ḍensiṭi proti cạwkạ kilo̱miṭar re 1028 gan hoṛ. Noa rajosṭi hoṛ ḍensiṭi lekate Bharotiyạ rajosṭi ko mut́ re dosar akaḱ ṭhạ̃w re menaḱa. Bharot ren lekhaguṭ hoṛ lekha ren 7.54 saykara hoṛ noa rajosṭi re ko tahen kana. 2001-2011 okto mut́ re rajosṭi ḍher har 13.84 saykara; jaha do jạtiyạri rajosṭi ḍher har 17.64 khon kom geya. Rajosṭi reaḱ janaṅ jạni 1000 koṛa re 950 goṭan kuṛi.

Pạchim baṅla reaḱ sikhnạt har 76.26 %,jaha do jạtiyạri goḍ (average) 74.04 % khon jạsti geya. 1991-1995 serma reaḱ hisạb khon baṛayoḱa je, rajosṭi ren hoṛaḱ goḍ jiyon okto 63.7 serma khon thora jạsti, jaha do jạtiyạri thok reaḱ goḍ jiyon okto 61.7 serma khon jạsti geya. Rajosṭi ren 70 % hoṛ ạtu ṭoṭha reko tahena. 1991-2000 serma reaḱ hisạb lekate, rajosṭi ren 31.85 saykara hoṛ regeć simạ latar re menaḱ koa.

Dokhinessor kali mondir

Ṭipusultan mosjid

St paul's cathedral Pạrsi Pạchim baṅla reaḱ pạrsi ko (2011)

baṅla (86.22%) hindi (6.96%) Santali (2.66%) urdu (1.82%) nepali (1.27%) eṭaḱ (1.07%)

2011 serma hoṛlekha reaḱ lekate pạchim baṅla re 91,347,736 (Bharotiyạ lekhaguṭ rajosṭi reaḱ 7.5 %) gan hoṛ menaḱ koa. Rajosṭi ren jạsti ge baṅla pạrsiạ. Rajosṭi ren jạsti gan santalhopon do rajosṭi reaḱ pạchim ṭoṭha puruliyạ, bakuṛa, jhaṛgaram, 24 pargana, bordhoman, birbhum eman jilạ kore menaḱ koa.