Lokcing ni sjenih saté hok wak dari ike. Makene ni ssoho di pata timó, skalo nyo nnego di tepi jale dokpóng ore jajo atah mutó. Behe nok wak lokcing ni ike nga tepóng kanji. Behe-behe ning pulok nyo nnguli jjadi bola srupo woh guli. Lokcing ni buléh nyo make sajo-sajo, tapi gak koho sedak kalu nyo ppangge dokpóng bbaka nok buwi baung sedak. Nok make lokcing ni keno lekak nga ccolêk hok manih atawo pedah nok buwi jeliro.[1]
Asa-usó
editLokcing ni asa dari beloh slate Siye.[1] Namo lokcing ambék dari pekatoe bahaso Siye ลูกชิ้นปลา[2] (sebókte kók AFA: [lûːk tɕʰín plaː]) hok buwi makno bebola baka. Makene unik dari Siye ini ado jjuwa bbeloh negeri-negeri hok ssakak nga Siye; ado doh di Klate, tapi gak mulo ado bbeloh Prelih nga Kedoh de koho rama ore nok bbeli lokcing ni. [3]
Behe-behe
editBehe asah nok buwak lokcing ni: ike hok kisa sapa le'ik nga tepóng kanji.[1] Ike jugo buléh gati nga dagéng, aye, kete atawo ude, kih lokcing ni koho kkembe jjadi banyok jenih. Gare póng buléh jugok kalu nok tamboh.[3]
Caro buwak
editIsi ike keno kisa dulu sapa le'ik, sbelóng nyo uli nga tepóng kanji. Habih uli, behe-behe lokcing sak ni nyo wak bbetók bebola bulak, pi gak buléh jugok bbetók mmugo laéng. Pah tu, nyo jolok nga lidi pah nyo bbaka atah baro api. Kalu ikók caro tradisi gak bbaka atah are, llo ni lokcing ado meseng bbaka sdiri hok guno dapó geh atapong dapó lekterik.[3]