Wp/mak/Pakkiok bunting

Pakkiok bunting iami antu sekre adak ri Mangkasarak ri gauk pakbuntingang. I lalangna nia tau akrumpai buntinga na assairik.

Bonena

I adende-iadende

Niak tojemmi Daeng Bunting

Bunting salloa kutayang

Salloa kuminasai

Kunanro riNakbia

Kupalak ri Bataraya

Nampaki ri ujung Bori Daeng Bunting

Nakutanroiko jamak

Kukiok anak daeng

Na kukape anak karaeng

Naku erammo antama Daeng Bunting

Ri bangkeng tukak ballakna

Nieranga bang

Nicoccorang ia kamak

Nakuerammonai Daeng Bunting

ammempo Ri padang patiha

Ri dego-dego panngumpu nialanroa bangungrokko

Nijalin sujjuk, Nidaserek empo tahiya

Mannyorong tommaki sallang Daeng Bunting

Nisakbi Allah Daeng Bunting

Nakuerangmo naikang ri kale balla lompoa

Ammanjeng ri benteng katarimanna

Ammempo ri tapperek gauk assana

Maklenjeng sulengkaki sallang Daeng Bunting

Anak guru sanrapanna

Attahalelei tappa

Anngapala barasanjita

Sallo-salloi kammanjo nibuntulimi Daeng Ngimang

Wakkelekna kalia naniwakkelang ampaknikkai anak ilalang makkaya

Tau lannyinga junnukna

Tangkasaka satinjana

Tau nitarimaya paddoanganna Ri Alla Taala

Niaktojemmi Daeng Ngimang Naninikkamo Daeng Bunting

Ri dallekang adak Tumapparentaya

Gallarang sangpakrasangantak sakbita kalabinia

Nitunutommi kanjolik tai bania

Makrumbu tommi dupa kamannyang teknea

Sallo-salloi kammanjo Naku erammo antama Daeng Bunting

Ri bilik kaisilanganna

Ri kasorok kaisilanganna

Ri pakkalli mata bulang

Ri timbao mata bintoeng

Natakrollekik sallang Daeng Bunting Bunga kebok gawaritta

Natakkembongi galluruk katinroanta

Tinro sampappakik sallang Daeng Bunting

Siasorok lipak galutta

Sossoranta ri Nakbia

Katamparang pepek nabiseang tai bani

Nakapasak pole nalurang

Takmuri cokkoki sallang Daeng Bunting

Ammakkalak takalaherang

Akkana ilalang ri pak.maikna

Kugappaminne ri erokku

Kurasatommi lebangan ri pakmaikku

Akkelommi sallang Daeng Bunting bainea angkana anngapai kibellakamma Daeng ansuro tikrisik kutunta Naniak tonja sambori sekpe-sekpetta

Nibali kelonna ri Daeng Bunting buraknea angkana iaji kubellakamma ansuro tikrisik kutungku kasamborikku tepok ngasengi kanukunna

Akkelongmi pole Daeng Bunting buraknea angkana

Anak battupa ri junnuk

Lassupiri satinjaya

Mangkalabui

Turunganna sinniaya Nibalimi kelonna Daeng Bunting bainea ri Daeng Bunting buraknea angkana

Nampa laksuk kusatinja

Nasunnia kubattui

Nakutassampe

Ri Allahu Akbar

Jeknek sicolengki ia Daeng Bunting

Tallak tallua rapanta

Najarang sangkammanta

Antekamma Daeng Bunting

Kapakmai beru siasse

Nyawa beru silakbakki

Nabukkuleng beru sisero

Kamma minjo nikanaya Bunting Beru

Bunting tabunting naingaseng makimae

Naikmaki ri ballak

Ri ballakna matoanta

Iparak kamase-mase.