सोहर बउआ के जन्मे के समय गावे वाला गीत हैहैइ। कुछ सोहर नीचे देल जा रहलो हे।
सोहर १
editलिपि पोति अयलो कोठरिया, चननवाँ छिरकि अयलों हे।
ए ललना, घुमि फिरि अयलन रघुनन्नन, सेजिया मोहि डँसि देहु हे॥॥
सोनहिं के मोरा नइहर, ओरियनि ओलती चुए हे।
ए ललना, सातहिं भइया के हम बहिनियाँ, सेजियवा हम कइसे डाँसव हे॥
एतना बचन राजा सुनलन, सुनहुँ न पवलन हे।
ए ललना, चढ़ि गेलन घोड़े असवार, मधुबन जाय हे॥
एतना बचन धनि सुनलन, सुनहुँ न पवलन हे।
ए ललना, धरि लेलन घोड़े के लगाम, हमहुँ जोउरे जायब हे॥
सोनहिँ के तोरा नइहर, ओरियनि मोती चुए हे।
ए धनि, सातहिँ भइया के तुहूँ बहिनियाँ, कइसे तुहूँ बन जयबो सेजिया डाँसब हे॥
फिरहुँ फिरहुँ ए राजा जी, फेनु कै सेजिया डाँसब हे॥
लिपि पोति अयलो कोठरिया, चननवा छिरकि अयलों हे।
ए ललना, डाँसि जे देलो लाली पलँगिया, सोवहु राजा रघुनन्नन हे॥