Template:Wp/mag/Infobox military person सरदार हरि सिंह नलवा (ਹਰੀ ਸਿੱਘ ਨਲੂਆ ; 26 अप्रैल 1791 - 1837), महाराजा रणजीत सिंह के सेनाध्यक्ष हलथिन जे पठान के विरुद्ध कैल गेल ढेर युद्ध के नेतृत्व कैलथिन । रणनीति आउ रणकौशल के दृष्टि से हरि सिंह नलवा के तुलना भारत के श्रेष्ठ सेनानायक से कैल जा सकऽ है । ऊ कसूर, सियालकोट, अटक, मुल्तान, कश्मीर, पेशावर आउ जमरूद के जीत के पीछे हरि सिंह के नायकत्व हलै । ऊ सिख साम्राज्य के सीमा के सिन्धु नदी के परे ले जाके खैबर दर्रा के मुहाना तक पहुँचा देलथिन । हरि सिंह के मृत्यु के समय सिख जाट साम्राज्य के पश्चिमी सीमा जमरुद तक पहुंच चुकलै हल ।
हरि सिंह नलवा कश्मीर पर विजय प्राप्त करके अपन लोहा मनवौलथिन । एही न, काबुलो पर सेना चढ़ाके जीत दर्ज कैलथिन । खैबर दर्रा से होवे वाला अफगान आक्रमण से देश के मुक्त कैलथिन । इतिहास मे पहिल बेर होलै हल कि पेशावरी पश्तून, पंजाबी द्वारा शासित हल ।
हरि सिंह नलवा कश्मीर, पेशावर आउ हजारा के प्रशासक (गवर्नर) हलथिन । सिख साम्राज्य दने से एक मुद्रालय (mint) स्थापित कैलथिन हल ताकि कश्मीर आउ पेशावर मे राजस्व इकट्ठा कैल जा सके ।