भूक्षेत्र जन्ने पेड़के घनत्व सामान्यसे अधिक हे ओकरा बन वा वन (जङ्गल) कहल जाहे । बिभिन्न मापदण्ड पर आधारित जङ्गलके ढेर परिभाषा हे । वन पृथिवीके लगभग ९.५% भागके घेरके रखले हे जे कुल भूमिक्षेत्रके लगभग ३०% भाग हे । एक समय कहियो बन कुल भूमिक्षेत्रके ५०% भागमे फैलल जगन भगान ६ सन भेलहल । बन, जीव जन्तुला आवासस्थल हे आउ पृथिवीके जलचक्रके नियन्त्रित आउ प्रभावित करहे आउ मृदासंरक्षणके आधार हे एही चलते बन पृथिवीके जैवमण्डलके अहम भाग हे। बन धरतीके सबसे प्रमुख स्थलीय परितन्त्रो हे । बन, धरतीके जीवमडण्लके कुल सकल प्राथमिक उत्पादके ७५% भाग लेले हे । धरतीके ८०% वनस्पति बनमे पाएल जाहे । अलग अलग ऊँचाई पर स्थित बन विभिन्न परितन्त्रके निर्माण करहे - जैसे ध्रुव भिरु बोरील बन, भूमध्यरेखा भिरु उष्ण कटिबन्धीय बन आउ मध्यम ऊँचाई पर शीतोष्ण बन । कौनो क्षेत्रके ऊँचाई आउ ओहाँ मौजूद नमी ऊ क्षेत्रमे पाएल जायेवाला वृक्ष पर प्रभाव डालहे । मानव आउ बन एक दोसरा पर सकारात्मक आउ नकारात्मक दूनहीँ प्रभाव डालहे । बन जन्ने मनुष्यके अनेक प्राकृतिक सन्साधन उपलब्ध करावहे ओहैँ ऊ आमदनीके एगो स्त्रोतो हे ।
