चीन गणराज्य वा ताइवान (चीनी: 中華民國) पूरुबी एसियाके एगो देस हे । चीनी गणराज्य १९१२ मे स्थापित भेलहल आउ अन्तर्राष्ट्रिय स्तर पर 'चीन' के प्रतिनिधित्व करहल, जखनि तक कि १९७१ मे सञ्जुक्तराष्ट्र चीन जनवादी गणराज्यके चीनके एकमात्र बैध प्रतिनिधि मान्यता नै दलक । बर्तमानमे चीन गणराज्यके आमतौर पर 'ताइवान' कहल जाहे, हालाँकि एकर अन्तर्राष्ट्रिय कूटनीतिके मान्यता सीमित हे । एकर बर्तमान प्रशासनिक क्षेत्र ताइवान प्रदेस पेङ्घु द्वीपसमूह आउ एकर भिरुके द्वीप, आउ चीनके फुजियान प्रदेसके तटीयक्षेत्र भिजुन स्थित किन्मेन् द्वीपसमूह, मात्सू द्वीपसमूह आदि द्वीप हे (सामूहिक रूपसे 'ताइपेङ्गजिनमा चीनी: 台澎金馬 ' वा 'ताइवान क्षेत्र' के रूपमे जानल जाहे) । कुल भूमि क्षेत्रफल ३५,१९७ बर्ग किलोमीटर हे, जेकरामे ताइवान आउ एकर भिरुके द्वीप ९९% से अधिक भाग बनावहे । हालाँकि चीन गणराज्यके संविधान अखनियो चीनी मुख्यभूमि आउ हाङ्गकाङ्ग आउ मकाउ क्षेत्र पर सम्प्रभुताके दावा करहे, भलेहीँ बर्तमानमे ऊ ईसभ पर शासन न करे ।
इहो देखी
editसन्दर्भ
edit