डोगरी (𑠖𑠵𑠌𑠤𑠮) एगो उत्तरी हिन्द-आर्यभासा हई जे भारतमे मुखरूप से जम्मू आउ कस्मीरके जम्मू क्षेत्रमे लगभग ५० लाख लोगद्वारा बोलल् जाहई। इ पच्छिमी हिमाचलपरदेस आउ उत्तरी पञ्जाबके आसपासके क्षेत्रोमे बोलल् जाहई। इ पाकिस्थानी पञ्जाबके उत्तर-पूरबी भागोमे बोलल् जाहई जने एकरा पञ्जाबी बोलीके रूपमे बर्गीकृत करल् जाहई। इ डोगराके जातीयभासा हई, आउ डुग्गरके इतिहासिक क्षेत्रमे बोलल् जाहई। डोगरी पच्छिमी पहाड़ीभासा समूहके सदस्स है। हिन्द-यूरोपीयभासामे असामान्न, डोगरी तानवाला हई, एगो बिसेसता जे इ अन्न पच्छिमी पहाड़ीभासा आउ पञ्जाबीके साथे साझा करहई। एकरे कइ प्रकार हई, सबमे ८०% से बेसी साब्दिक समानता (जम्मू आउ कस्मीरके भीतर) हई।
डोगरी भारतके २२ अधिकारिकभासामे से एक हई। एकरा २००३ मे संबिधानके ८मा अनुसूचीमे जोड़ल् गेली हल्। इ जम्मू आउ कस्मीर केन्द्रसासितपरदेसके ५ अधिकारिकभासामे से एक हई।