Wp/mag/जम्मू आउ कश्मीर (केन्द्रसासितप्रदेस)
जम्मू आउ कश्मीर (कश्मीरी: 𑆘𑇀𑆮𑆩𑇀 𑆠 𑆑𑆯𑆵𑆫𑇀 (शारदा)/जॊम तॖ कऺशीर(देवनागरी)/جۆم تہٕ کٔشیٖر (अरबी); डोगरी: जम्मू ते कश्मीर; अङ्ग्रेजी: Jammu and Kashmir) भारतद्वारा केन्द्रसासितप्रदेसके रूपमे प्रसासित एगो क्षेत्र हे। ई दखिन एसियाके उत्तर-पच्छिमी भागमे स्थित हे, आउ बृहत्कश्मीरके भाग हे, जे १९४७ से भारत, पाकिस्थान आउ चीनके बीच बिवादके बिषय रहलैहे। नियन्त्रणरेखा क्रमशः जम्मू आउ कश्मीरके पच्छि आउ उत्तरदने पाक अधिकृत कश्मीर आउ गिलगित्-बल्तिस्थान पाकिस्थान प्रसासित क्षेत्रसे अलगे करहे। ई भारतीयराज्ज हिमाचलप्रदेस आउ पञ्जाबके उत्तरदने भारतद्वारा प्रसासित केन्द्रसासितप्रदेस लद्दाख् के पच्छिदने स्थित हे।
जम्मू आउ कश्मीर केन्द्रसासितप्रदेसमे पुनर्गठनके प्रावधान जम्मू आउ कश्मीर पुनर्गठन अधिनियम, २०१९ के भीतर निहित हल, जेकरा अगस्त् २०१९ मे भारतके सन्सद् के दोनो सदनद्वारा पारित करल गेलहल। बिधेयकके उद्देस्स जम्मू आउ कश्मीर राज्जके दु केन्द्रसासितप्रदेसमे फिरसे गठित करना हल: जम्मू आउ कश्मीर एवं लद्दाख्। पुनर्गठन ३१ अक्टूबर २०१९ से प्रभावी हो गेलीहे।
सम्बन्धित लेख Edit
सन्दर्भ Edit