चीनी लिपि सन्सारके प्राचीनतम लिपिमे से हे । ई चित्रलिपियेके रूपान्तर हे आउ एकरामे अच्छरके बजाए हजारोँ चीनी भावचित्र द्वारा लिखल जाहे । एकरामे मानव जातिके मस्तिष्कके बिकासके अद्भुत् कहानी भेटहे - मानव कौन प्रकार मछली, पेड़, चान्द, सूरुज आदि बस्तुके देखके ओकर आधार पर अपन मनोभावके व्यक्त करेला एगो बिभिन्न चित्रलिपि खोजलकै । ईसवी १७०० बरिस पूर्बसे लगाके आजतक प्रयोगमे आवेवाला चीनी शब्दके आकृतिमे जौन क्रमिक बिकास भेलहे ओकर अध्ययन ई दृष्टिसे बड्ड रोचक हे ।