खोरठा (कैथी: 𑂎𑂷𑂩𑂘𑂰) या बैकल्पिकरूप से पूरबी मगहीके रूपमे बर्गीकृत एगो भासा हई जेकरा मगहीभासाके बोली मानल् जाहई जे भारतीयराज्ज झारखण्डमे बोलल् जाहई, मुख्यतः दु परमण्डल (उत्तरी छोटानागपुर आउ सन्थाल परगना) के १६ मण्डलमे । खोरठा सादानद्वारा मूलभासाके रूपमे बोलल् जाहई आउ आदिबासीद्वारा एगो सम्पर्कभासाके रूपमे उपयोग करल् जाहई। इ झारखण्डके सबसे अधिक बोले जाए बाला भासा हई।
भौगोलिक बितरन Edit
खोरठा झारखण्डके उत्तरी छोटानागपुर आउ सन्थाल परगना परमण्डलमे बोलल् जाहई। १३ मण्डल हथिन् हजारीबाग, कोडरमा, गिरिडीह, बोकारो, धनबाद, चतरा, रामगढ़, देवघर, दुमका, साहेबगञ्ज, पाकुड़, गोड्डा आउ जामताड़ा।
बर्गीकरन Edit
जॉर्ज् ग्रियर्सन् अपन भासासर्बेक्षनमे खोरठाके मगहीभासाके बोलीके रूपमे बर्गीकृत करलथिन्। किन्तु हालके अध्ययन से पता चलहई कि खोरठा मगहीभासाके तुलनामे झारखण्डके अन्न बिहारीभासा जैसेकि सदनीके समान हई।