क्राइष्ट् द रिडीमर् (पुर्तगाली: Cristo Redentor) ब्राजिलके रियो डी जेनेरोमे स्थापित ईसा मसीहके एगो प्रतिमा हे जेकरा बिस्वके दूसरा सबसे बड़का आर्ट् डेको प्रतिमा मानल जाहे। ई प्रतिमा अपन ९.५ मीटर् (३१ फीट्) आधार सहित ३९.६ मीटर् (१३० फीट्) लम्बा आउ ३० मीटर् (९८ फीट्) चौड़ा हे। एकर भार ६३५ टन् (७०० शॉर्ट् टन्) हे आउ तिजुका फोरेष्ट् नेशनल् पार्क् मे कोर्कोवाडो पर्बतके चोटीपर स्थित हे। ७००-मीटर् (२,३०० फीट्) जने से पूरा नगर लोकहे। ई बिस्वमे अपन नियनके सबसे ऊँचा मूर्तिमे से एगो हे (बोलीवियाके कोचाबम्बामे स्थित क्राइष्टो डी ला कोनकोर्डिया के प्रतिमा एकरासे तनी अधिक ऊँचा हे)। ईसाई धरमके एगो प्रतीकके रूपमे ई प्रतिमा रियो आउ ब्राजीलके एगो पहचान बन गेलहे। ई मजबूत कान्क्रीट आउ सोपस्टोन से बनल हे, एकर निर्माण १९२२ आउ १९३१ के बीच करल गेल हल।
