Wp/lzz/lat/Mesut Yilmaz

< Wp‎ | lzz‎ | lat
Wp > lzz > lat > Mesut Yilmaz

Cinci muşi Riziniş noğa Map’avreşi oput’e Cimili na ren Ahmet Mesut Yilmazi dibadu 1947-s, Mp’olis. Lises ok’itxuşa kogeç’k’u Aust’uriaşi Lises, mara uk’açxe doçodinu Mp’olişi Biç’uri Lise. 1971-sti doçodinu Ank’araşi Universit’eş P’olit’ik’uri Çkinapeşi Fak’ult’eş Finansia do Ek’onomiaşi burme. Mağali lisansi muşi qu K’olnişi Universit’eş Ek’onomia do Sosialuri Çkinapeşi Fak’ult’es 1972 do 1974 3’anapeşi şkas. İxandu ç’eşidi muşiuri şirk’etepes maktalot, kimia, t’ek’st’iluri do nunç’işobaşi sekt’orepes, 1975 do 1983 3’anapeşi şkas.

1983 3’anas k’ideri Nanadobadonaş P’art’iaşi, mak’ideluri mak’ature do generaluri dudmaxvenceş manuşvale iqu. Ahmet Mesut Yilmaz iqu Rizinişi dep’ut’at’i artneri 3’anaşi 3’ilvas xveneri generaluri 3xunas. Ok’uleti iqu informasionişi dulyapes na no3’k’en oxen3aluri naziri do xe3alaşi matkumale, Ozalişi maartani xe3alas. İqu K’ult’ura do T’urizmişi Naziri 1986-s. Artneri p’eriodis, qu dudmaxvencoba Turkia-Federaluri Germania do Turkia-Yugoslaviaşi Ek’onomiuri Ok’ont’aleri K’omisiapeşa. 29 3’ilva 1987 tariğoni 3xunas xolo Rizinişi dep’ut’at’i i3xunu. Ozalişi majurani xe3alas Galeni Dulyapeşi Naziri iqu. Akbulutişi xe3alasti na qu artneri misia muşi naşku 20 K’undura 1990-s.

15 Mbulora 1991-s xveneri Nanadobadonaş P’art’iaşi didi k’ongres i3xunu generaluri dudmaxvence. Ahmet Mesut Yilmazik k’idu xe3ala 5 X3ala 1991-s. 20 Gimua 1991-s xveneri generaluri 3xunaş k’ule iqu nana muxalifuri p’art’iaşi go3’oncğoneri. 24 Xrist’ana 1995-s xveneri generaluri 3xunaş k’ule, iqu Dudnaziri Nanadobadonaş P’art’ia do Mtinigzaşi P’art’iaşk’elen k’ideri xe3alaşa. 20 Mbulora 1997-s, misia niçinu emus xe3ala ok’idu şeni. Naşku dudnaziroba 17 3’anağani 1999-s. Ahmet Mesut Yilmazik oxen3aluri naziri do dudnazirişi manuşvaleş misiate ixandu, 18 İgrik’a 1999-s xveneri generaluri 3xunaş k’ule k’ideri xe3alas, 13 X3ala 2000-şen 3 3’ilva 2002-şakis. Nanadobadonaş P’art’iaşi generaluri dudmaxvencoba naşku, 27 3’ilva 2002-s. İ3xunu timoşletineri dep’ut’at’i Rizinişen, 22 X3ala 2007 tariğoni 3xunas. Çileri do jur bere na uqoun Ahmet Mesut Yilmazis uçkin İnglisuri do Germanuri nenape.