Wp/lzz/lat/Kurdepe Muç'o Oxovo3'onat

< Wp‎ | lzz‎ | lat
Wp > lzz > lat > Kurdepe Muç'o Oxovo3'onat

P’rof. Dr. Doğu Ergiliş k’elen ç’areli Kurdepe Muç’o Oxovo3’onat Emniet’işi Siaset’işen Minobaşi Siaset’işa coxoni ketabi, Timaş gamaçkvaleşi simaduri seriaşen 2009 3’anaşi Pukrik’aşi tutas St’amp’olis gamiçkvinu. Ketabi maartanot “Kurdepeşi Rap’ori” coxote gamiçkvinu. Ketabişi edit’oroba Neval Akbiyik, k’ilifili dizaini Ravza Kiziltuğik qu.

Ketabişi k’ap’ulaşi k’ilifis antepe noç’ars: “Amdğanerdğas Kurdepeşi mesele m3ika oxoşkveri xaliş doloxe muzakere ixvenen na P’rof. Dr. Doğu Ergili ren irişen didi emeği anç’en k’oçepeşen arteri. Ergilik 1995 3’anas Turkiaşi maartani yulvaluri rap’ori ç’aruşi eçkindineri didi k’iameti xoloti komşunan. Yulvaluri rap’ori, Kurdistanis do p’at’i xalepeşi sebebite Kurdistanişen çkvaneri noğapeşa dobargeri xalk’iş oşkes xveneri goşogorapete iç’arineret’u. Edoxolo Olande İrlandias, Englisias do Esp’anias oxor3elineri do tak’ribi ardogverdi 3’ana noqoneri goşogorapete am dobadonapeşi maok’orte oxonk’anapeş om3ikanu, on3’uranu do omtelinu şeni xveneri mutxanepe goşoik’itxineret’u do çodinas gomçirane rap’ori iç’arineret’u. Ergilik 2005 do 2008 3’anapes mintik’aşi simaduri ağani jur goşogora çkva qu do çodinas Kurdepeşi meseleşi tak’ribi vitoxut 3’aneri gont’aleri p’rojeksioni gamontanu. Ergilik siaset’uri sosiologiuri, sosialur psikologiuri do oirkiane munasebet’uri steri disip’linepeşi oşkes moxva irtibatepe oxor3elu do xomula ar rap’ori vardo dido tatminkari ar noç’are gamoçkvu. Emuşeni antepe xanda na obecitinups majura fakt’ori ren. Turkia, Turki-Kurdi yado ok’ortinuşi xatişa uluni? Kurdepes mutepeşi doloxe muk’o çkvaneri simadape uğunan? Germaşa eşaxtimuşi sosialuri, ek’onomik’uri do siaset’uri namu sebebepe ren? Kurdepeşi mamilietoba omağaluşi t’rendis reni? Turkiaşi yulvaluri xalk’ik demok’rat’ik’uri idealepeşa itimadi ikipsi? Onz’ğoneş galeni op’erasionepek t’eroris nadgiteni? Esp’aniak ETA k’ala muç’o icedelu? Sinn Fein do Herri Batasuna sist’emişa muç’o amiqoninu?”