Kenan Evren 1918-s Alaşehiris dibadu. Geç’k’apuroni do oşkenduri gamantana muşi Alaşehiri, Manisa, Balikesiri do Mp’olis ik’itxu. Maltepeşi Malimuri Lise oçodinu. 1938-s Dixaluri Malimobaşi N3’opula, 1949-sti Malimuri Ak’ademia oçodinu. Matope ofi3eri do Şt’abobaşi ofi3eri oqopinot Turkiaşi Silaxoni Mancelapeşi çkvadoçkva k’ademepes ixandu.
K’oreşi Maçxorani Turkuli Brigadas, 3’oxle Hareket’i do Gamantanaş Filiaşi Direkt’ori, ok’uleti Şt’abobaşi Dudmaxvance iqu. 30 Mariaşina 1964 tariğis brigadişi generali iqu. Silaxoni Mancelapeşi mtel k’omuturi k’ademepes do jileni rut’belonot ixandu. Armiaşi sardali do dixaluri mancelapeşi sardali iqu. 7 Mirk’ani 1978 tariğis Generaluri Şt’abişi dudmaxvance i3xunu. 12 St’aroşina 1980 tariğis na ixvenu malimuri gektalaten, majura misiape k’ala Oxen3aleşi P’rezident’iti iqu.
7 3’ilva 1982 tariğis xalk’işk’elen k’abuli na ixvenu dudk’anoni k’ala arto, Turkiaşi maşkvitani P’rezident’i i3xunu. 9 3’ilva 1989 tariğis misia muşişi vada notamamu. 1944-s Sekine Xanumi k’ala na içilu Kenan Evreni ren sum bereşi baba.