Wp/lzz/lat/Beyazitişi Dudira

< Wp‎ | lzz‎ | lat
Wp > lzz > lat > Beyazitişi Dudira

Beyazitişi Dudira 1749 3’anas ik’idinu oç’vaş oxosaru şeni, 85 met’reş mağaloba do pi3ariş oç’k’aduten. Dudiras oxosaruşi burmeşakis 180 gebaz’goni uğun. 1756 3’anas Cibalişi oç’vas na iç’vu do 1826 3’anas ağneburot na ik’idinu dudira yengiçerepeşi edgitas xolo iç’vu. Dudira 1828 3’anas masumani fara ik’idinu Senekerim Balyanişi mimarobaten Sultan 2. Maxmutişi xe3alas. Beyazitişi dudira ren irişen k’ai oxosaruşi sva Eminonu, Fatih, Yedikule, Kocamustafapaşa, Beyazit, Topkapi, Balat, Kadikoy, Tophane, Uskudar, Beşiktaş, Ortakoyis na yeçkindun oç’vapeş ambari meçamu şeni. Mcveşi orapes, Mp’olis oç’vaşi iptineri paluri dudiraşen iz’irinaşi, matulumbepeşa ambari niçeret’eren. Oç’vaşi ambari niçinet’eren ndğas k’alati genç’uten, seristi feneri ogzuten. Mp’olis am dudiraşen çkva Galata do İcadiyeşi dudirapeti ixmarinet’eren am noğiraten. Mcveşi orapes, dudiras na ixandept’u mitxanepes koşklu itkvinet’eren.

Mp’oliş Universit’eşi şkaguroni k’ampusişi doloxe na dgin dudira rt’u dido p’at’işi xalis, 1997-s na geiç’k’inu rest’ora3iaşi dulyapeşakis. Jur 3’ana k’onari na naqonu dulyapeten, dudira oxmarnoni niktinu oç’vaş oxosaroba, met’eorologia do gzaş xali ognapu şeni, mcveşi orapes na rt’u steri. Dudiras uğun otxo k’ati: maçumaleşi k’ati, nişanişi k’ati, k’alatişi k’ati do sancak’işi k’ati. 50 m2-oni morgvaluri formoni oxosorobaşi k’atis koren oç’vaş op’era3iaşi burme. K’ati ren gverdi morgvali formas do ot’k’aponi 13 penceretenti gui3’k’onden. Am 13 pencereşen iz’iren Mp’olişi eşo-aşo ar çkva semt’i. Ar pencereşen Aiasofia, Nuru Osmaniye do Sultanahmetişi meçetepe, majuraşen Kulelişi Malimuri Lise do ar majuraşenti Fatih Sultan Mehmetişi xinci iz’iren. Dudiraşi tenape iz’iren Mp’olişi k’arta svaşen. 3aşperik gon3’k’imeri havaşen; skit’ak emp’ulaşen; jvarik mç’imaşen; mç’itakti mtvirişen ambari meçaps. K’alatişi k’atişen oç’vaşi nişanepe niçinen. Sancak’işi k’atis Turkuli bandara do oç’vaş mameskirepeşi bandara go3’ik’iden.