Wp/lzz/lat/Anksiyet’e

< Wp‎ | lzz‎ | lat
Wp > lzz > lat > Anksiyet’e

Anksiyet’e, k’arta k’oçişk’elen namtini xalepes na iskedinen ar zmona ren. Anksiyet’e; osimadu, nondaru, k’arta oraloni şuriş nadu do st’resi oğodinuş xali ren mara şkurna, endişe steri hisepesti xe mudumers. Anksiyet’e, şuronepeşi galeni vasat’işa int’egra3ia oxvenu şeni oçvaloni ar reak’sia ren. K’ont’rolişen gamaxtaşi do k’oçiş fonk’sionis nodgitaşi anksiyet’e oqopinot goşigorinen. Psikiat’ris grup’uri ar zabunobaşi generaluri coxo ren.

Anksiyet’e, generalurot k’onsept’uri, somat’ik’uri, hisuri do ak’sionuri ok’oxtimalaşa mance oqopinot itarifinen. Di3xiriş tazyik’i do guriş opatkaluş manz’inu, upi geçamu, dudari adaleş grup’apeşa arşvaci di3xiriş nat’k’va3inuş sebebiten adalepeş k’ap’et’inoba, nuxondinuş do xazimişi sist’emaş fonk’sionepeş ek’adgitu steri fizik’uri tesirepe oğodaps. Antepe k’ala xolo, guriş oktu, xe do k’uçxes qinoba, otirtinu-oqinu iğodinen. Upi geçamu, otirtinu, opatkalu steri xuraluri nişanepeti iz’iren. Ti-muşis p’at’i ar mutxani moxtasunonşi osimadu, rezili oqopinuşen varna k’omik’i ar xalişa niktinuşen oşkurinu steri osimaduri mara didopeten sebebi muşi uçkineri do tarifi na var ixvenen ar st’resobaşi xali ren. Hisuri oqopinot zabunobak, şkurna do panik’işa sebebi iqven. K’oçik k’arta dulyas negat’ivuri o3’k’en, morali muşi dido ok’oxveri aqven. Ak’sioneri oqopinot zabunik, anksiyet’eş odudeşen omt’inuş teamuli o3’iraps. Xoloti anksiyet’eşen arxvala pat’ologiuri ar xali na ren steri molaşinu 3’ori var iqven. Am hisi, şkurna, şuma, naç’va do xela steri hisepeten arto na iz’iren, adamepeşi skidalas na iğodinen temeluri hisobaşen ar teri ren.

Endişek xura do ç’k’uas notesiraşi mteli gope3xineri tkvala ren. Kesafet’i manz’inaşi panik’uri atak’i yeçkindun. K’oçişi simada, zmona do ak’sionepes mtelot endişe do st’resik notesiraps. K’arta oraloni p’at’i mutu iqvasunon yado endişe iqven. İrişen mk’ule anşi tutas do k’arta ndğas endişeten iskedinen. Dido oğoda do ak’t’ivit’e şeni evhamepe tolis nit’en. K’oçi uxuzuroni iqven. K’arta oras sva iktirups. Usap’roni do şumeri ren. Adalepe muşis k’ap’et’inoba do 3’k’unepe aqven. Manişa dvaç’k’inden do dik’ati goşabğen. K’arta mutxaniş irişen p’at’i muşi isimadups. Xonarişen, şamat’aşen do teşen dido tesiri ağoden. Dido heyecanoni do telaşoni iqven. Lemşi na no3ins steri raxat’i var aqven. Doxuneri na renan skemles emaneturi na xenan steri iqvenan. K’uçi-mç’uşi sist’emas gast’rit’i do ulseri dido iz’iren. Ordo ordo çeçmeşa ulunan. Dido upi geçapan. K’arta oras xeş guri şoleri iqven. Namtinepek am endişe oçodinu şeni ti-mutepe alk’oli, k’umari varna seksişa meçapan. Am endişeş xalis manz’inaşi panik’uri atak’epe yeçkindun. Namtini orasti arto iz’irenan.

K’oçiş skidalaşi morgvalis anksiyet’eş ok’oxvoba oğodinuşi albatoba % 25 k’onari ren. Didopeten k’oçepek am zabunoba doxtorişa uoxtimuten na oçodinapan şeni psikiat’rişa na ulunanpe m3ika ren. Anksiyet’eş ok’oxvobape çkvaneri ren: Panik’uri ok’oxvoba, gope3xineri anksiyet’eş ok’oxvoba, so3ialuri fobi do majura fobepe, obsesiuri k’omp’ulsiuri ok’oxvoba, t’ravmaş uk’açxoni st’resiş ok’oxvoba. Anksiyet’eş şvela irişen mk’ule ar 3’aneri ç’ami oşumuten golulun. Amuk’ala dido oşvanuk endorfini na gamoçkumers şeni zabuni oraxat’ups. Masaji, aromaterap’i, telkini steri met’odepek na nirgenti içkinen. Andğaneri ndğas irişen ak’t’iuri do gope3xineri na ixmarinen ç’amepe ant’i-depresanepe ren.